काठमाडौं । पोखरा थन्डर्सलाई टाइब्रेकरमा ४-३ गोलअन्तरले हराउँदै धनगढी एफसी नेपाल सुपर लिग (एनएसएल) को फाइनलमा पुगेको छ । पहिलो संस्करणको उपविजेता धनगढी लगातार दोस्रो सिजनको फाइनलमा पुगेको हो ।
निर्धारित ९० र थप ३० मिनेटमा २-२ को बराबरीपछिको खेल पेनाल्टीतर्फ धकेलिएको थियो । पेनाल्टीमा धनगढीले बाजी मार्यो ।
सूटआउटमा धनगढीका गोलरक्षक ताहा नायक बन्नुभयो । उहाँले मोसेस ग्याबा र आयुष घलानको पेनाल्टी जोगाउँदै धनगढीको फाइनल यात्रा तय गराउनुभएको हो । अर्कातर्फ पोखराका गोलरक्षक प्रिसोले धनगढीका अहमद हिजाजीको प्रहार जोगाउनु भएपनि आयुषको अन्तिम पेनाल्टी ताहाले जोगाउनुभएपछि धनगढी उपाधि नजिक पुग्यो ।
निर्धारित ९० मिनेटको खेल १–१ को बराबरी सकिएको थियो । पोखराका लागि आयुष घलानले गोल गर्दै धनगढीका कप्तान देवेन्द्र तामाङले समान १ –१ गोल गर्नुभएको थियो । त्यसपछि थपिएको अतिरिक्त समयमा पनि दुबै टोलीबाट एक एक गोल भयो । स्टेफन अन्नोरको गोलमा पोखराले २–१ को अग्रता लिएपनि थप समयको अन्तिम मिनेटमा अहमद हिजाजीले गोल गर्दै धनगढीलाई पेनाल्टीमा पुर्याउनुभएको थियो ।
त्यसअघि खेलको सुरुवातमै आयुष घलानले पोखरालाई अग्रता दिलाउनुभएको थियो । पाँचौं मिनेटमा स्टेफन अन्नोरको लामो पासलाई मोसेस ग्याबाले बायाँ फ्लान्कमा भेटाउनुभएको थियो । उहाँले दिएको पासलाई दिपेश आले मगरले पोस्टतर्फ प्रहार गर्न सक्नुभएन । त्यही बल भेटाउँदै आयुषको पोस्टमा प्रहार गर्नुभयो ।
त्यसपछि पनि निकै प्रतिस्पर्धात्मक खेलमा दुबै पक्षले पोस्टमा प्रहारहरु गरेको थियो । आठौं मिनेटमा दिनेश राजवंशीको लामो पासमा नरेन्द्र चौधरीको हेडरमा दिपेशको प्रहार धनगढीका गोलरक्षक मोहम्मद ताहाले जोगाउनुभयो ।
२४औं मिनेटमा अभिषेक गुरुङको क्रसमा अहमद हिजाजीको हेडर गोललाइनमा नरेन्द्र चौधरीले ब्लक गरेपछि धनगढीले बराबरीको मौका गुमाएको थियो । ३१औं मिनेटमा जो आइडुको फ्रिकिक ताहाले बचाउनुभएको थियो ।
५४औं मिनेटमा हिजाजीको प्रहारमा पोखराका गोलरक्षक प्रिसोले उत्कृष्ट बचाउ गर्नुभयो । तर उक्त बलमा पाएको कर्नरमा धनगढीले बराबरी गोल फर्कायो । अभिषेक गुरुङले कमल श्रेष्ठलाई दिएको छोटो कर्नरलाई डी बक्समा फाल्नुभएको थियो । उक्त बलमा धनगढीका कप्तान देवेन्द्र तामाङले हेडर मार्फत बराबरी गोल फर्काउनुभयो ।
५५औं मिनेटमा आयुषको पासमा मोसेसको प्रहार धनगढीका गोलरक्षक मोहम्मद ताहाले अगाडि आएर विफल पार्नुभयो । ६०औं मिनेटमा आशिष चौधरीको क्रसमा हिजाजीको हेडर पोस्टको माथिबाट बाहिरियो । ७९औं मिनेटमा प्रिसोले उत्कृष्ट बचाउ गर्दै ओलावालेको प्रहारलाई टार्नुभएको थियो ।
अब इलिमिनेटरको काठमाडौ रेजर्सं र ललितपुर सिटी एफसीबीच खेल मंगलबार हुनेछ । उक्त खेलको विजेता र यस खेलमा पराजित पोखराले दोस्रो क्वालिफायरमा बिहीबार खेल्नेछन् । दोस्रो क्वालिफायरको विजेताले उपाधिका लागि शनिबार धनगढीसँग खेल्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच