फेसियल हाउसले मनायो १६औं वार्षिकोत्सव

काठमाडौं । फेसियल हाउस १६औं वार्षिकोत्सव विविध कार्यक्रम गरी मनाएको छ । संस्कृति, पर्यटन तथा नागरिक उड्डयन राज्यमन्त्री सुशीला सिर्पाली ठकुरीको प्रमुख आतिथ्यता र फेसियल हाउसकी प्रबन्ध निर्देशक एवं वरिष्ठ ब्युटीसियन सुष्मा महराको अध्यक्षतामा कमलपोखरीस्थित सिटी सेन्टरमा आयोजित भव्य समारोहमा राष्ट्रिय प्रजातन्त्र पार्टीका प्रवक्ता एवं प्रतिनिधिसभा सदस्य ज्ञानेन्द्र शाही, नेकपा एमालेकी नेत्रृ एवं प्रतिनिधिसभाकी पूर्वसदस्य नवीना लामा र नेपाल उद्योग वाणिज्य संघ काठमाडौंका अध्यक्ष दिनेश श्रेष्ठको उपस्थिति रहेको थियो ।

ओमन कम्युनिटी यूएनई यूएलआईकी अध्यक्ष भगवती खड्का, राजनीतिक विश्लेषक प्रकाश रायमाझी, नेपाल ब्युटी एसोसिएशनकी महासचिव शशी शाह, फेसियल हाउसका संरक्षक एवं वरिष्ठ पत्रकार उज्ज्वलजंग शाह र नेपाल पाटी प्यालेस संघका अध्यक्ष लीला जिसीलगायत अतिथि तथा विभिन्न संघसंस्थाका प्रतिनिधि, सञ्चारकर्मी र सौन्दर्यकर्मीको उपस्थिति फेसियल हाउसले आफ्नो १६औं वार्षिकोत्सव मनाएको हो ।

समारोहमा फेसियल हाउसका संरक्षक उज्ज्वलजंग शाहले स्वागत मन्तव्य राख्नुभएको थियो । प्रमुख अतिथि पर्यटन राज्यमन्त्री सुशीला सिर्पाली र अन्य अतिथिहरूका साथमा प्रबन्ध निर्देशक एवं वरिष्ठ ब्युटीसियन सुष्मा महराले केक काटेर कार्यक्रमको उद्घाटन गर्नुभएको थियो । समारोहमा फेसियल हाउसकी प्रबन्ध निर्देशक महराको जीवनीमा आधारित रहेर तयार पारिएको करिब १३ मिनेट लामो दृश्य चित्र (डकुमेन्ट्री) प्रस्तुत गरिएको थियो । डकुमेन्ट्रीमार्फत सौन्दर्य क्षेत्रमा प्रवेश गर्न चाहाने नयाँ व्यक्तिलाई केही नयाँ टिप्स र सकारात्मक सन्देश दिने प्रयास गरिएको महराले जानकारी दिनुभयो । समारोहमा प्रमुख अतिथि राज्यमन्त्री सिर्पाली तथा अतिथिद्वय सांसद ज्ञानेन्द्र शाही र पूर्वसांसद नवीना लामाले संक्षिप्त मन्तव्य राख्नुभएको थियो । कार्यक्रममा बद्री पंगेनी, खुमन अधिकारी र सिर्जना कुँवरले गायन प्रस्तुत गर्नुभएको थियो इन्टरटेन्टमेन्ट समूहले नृत्य प्रस्तुत गरेको थियो । हास्य कलाकारनद्वय राजा राजेन्द्र पोखरेल र राधिका कँडेलले सञ्चालनका गरेको कार्यक्रममा क्रेजी नोट्स व्याण्डका गीतहरू पनि प्रस्तुत गरिएको थियो ।

अवार्ड तथा सम्मान प्रदान
फेसियल हाउसको १६औं वार्षिकोत्सव समारोहमार्फत राज्यमन्त्री सिर्पालीको बाहुलीबाट ‘स्टुडेन्ट र स्टाफ इन्करेज अवार्ड’का साथै विभिन्न व्यक्तिलाई ‘टोकन अफ लभ’ प्रदान गरिएको थियो । जसअनुसार ‘वेष्ट स्किन केयर अवार्ड, २०२३’ बाट जेनी तामाङ, ईश्वरीकुमारी जोशी र पुनम घर्तीमगर सम्मानित हुनुभएको थियो । यस्तै, ‘वेष्ट केयर टेकर अवार्ड, २०२३’ बाट कमल ठाकुर, ‘वेष्ट म्यानेजमेन्ट अवार्ड, २०२३’ बाट रक्षा बोहोरा र ‘वेष्ट बिहृयाबियर एण्ड भ्यालुज अवार्ड, २०२३’ बाट शोभा थापा मक्राति सम्मानित हुनुभएको थियो ।

यसैगरी, ‘वेष्ट प्रफमर अवार्ड, २०२३’ बाट गरिमा शाही, जीवन चौधरी, मनोज ठाकुर, कञ्चन साउद र अंकिता लामालाई सम्मान गरिएको थियो । त्यस्तै, ‘वेष्ट अल राउण्डर प्रफमर अवार्ड, २०२३’ बाट दुर्गा ढुंगाना ‘आश्था’, ‘वेष्ट प्रफमेन्स अवार्ड अफ द इयर, २०२३’ बाट प्रमिला खाती, ‘वेष्ट पङ्चुअल टाइम एण्ड म्यानेजमेन्ट अवार्ड, २०२३’ बाट अस्मिता थापा र ‘वेष्ट स्माइल प्रफमेन्स अवार्ड, २०२३’ बाट प्रीति रानालाई सम्मान गरिएको थियो । यसैगरी, ‘एन एप्रिसिएशन अवार्ड, २०२३ फर द म्यानेजमेन्ट टिम अफ फेसियल हाउस’बाट प्रभा थापा, सजुला चौधरी, बिगेन्द्र तामाङ र नमिना श्रेष्ठ सम्मानित हुनुभएको थियो । यस्तै, यो वर्षको ‘वेष्ट स्टुडेन्ट अवार्ड अफ द इएयर, २०२३’ बाट अनिताकुमारी साउदलाई सम्मान गरिएको थियो ।

फेसियल हाउसले हरेक वर्ष आफ्नो वार्षिकोत्सव समारोहमा उत्कृष्ट विद्यार्थीलाई यो अवार्ड प्रदान गर्ने गरेको छ । यस्तै, समारोहमा विभिन्न व्यक्तिहरूलाई मायाको चिनो ‘टोकन अफ लभ’ बाट सम्मान प्रकट गरिएको थियो । जसअनुसार राजनीतिक विश्लेषक प्रकाश रायमाझी, ओमन कमिटी यूएनआई यूएलआईकी भगवती थापा, एडभोकेट पुष्पराम पौड्याल, करुणाकर मल्लिक र आकृति रायमाझी, नेपाल ब्युटीसियन युनियनकी महासचिव शशी शाह, पार्टी प्यालेस संघका लीला जिसी, कर्पोरेट खबर डटकमकी बिजनेस डाइरेक्टर संगीता खत्री, हृवाइट मिडिया प्रालिका म्युजिक भिडियो निर्देशक तथा सम्पादक शक्ति प्रज्वल घिमिरेलाई प्रदान गरिएको थियो ।

वार्षिकोत्सव समारोहलाई सिनोस, लिसाप, बोटोक्स नेपाल, एमआईकेटिएम ब्युटी केयर, मल्टी न्युट्रेशन प्रालि, नेल आर्ट ग्यालरी, हुन्छ डटकम, एलएलएफटी, हृवाइट मिडिया र कर्पोरेट खबर डट कमले प्रायोजन गरेका थिए ।

महिला तथा पुरुषका लागि नेपालकै नम्बर वान ‘फेसियल हाउस’ को केन्द्रीय कार्यालय सुन्धारास्थित काठमाडौं मलमा अवस्थित छ । फेसियल हाउसका आउटलेटहरू बागदरबारस्थित सीटीसी मल (एकेडेमीसहित), चाबहिलको चुच्चेपाटीस्थित केएल टावर र गणेशथानमा छन् । यस्तै, उपत्यकाबाहिर, पोखराको चिप्लेढुंगास्थित पोखरा ट्रेड मल, सुर्खेतको न्यूरोड र कैलालीको धनगढीमा आउटलेट सञ्चालनमा छन् । यस्तै, फेसियल हाउसले आफ्नो नयाँ आउटलेट चितवनमा पनि सञ्चालन गर्ने तयारी गरिरहेको छ । ‘अ कम्प्लिट हेयर एण्ड ब्युटी सोलुशन’ नाराका साथ यो फेसियल हाउस १५ वर्षअघिबाट सञ्चालनमा आएको हो ।