काठमाडौं । नेपाल-चीन संयुक्त लगानीको हिमालय एयरलाइन्सले बिहीबादेखि ऐतिहासिक काठमाडौं-ल्हासा-काठमाडौं उडान सेवा सुरु गरेको छ । सेवा विस्तारलाई एयरलाइन्सले दुई देशबीचको कनेक्टिभिटी बढाउने र द्विपक्षीय सम्बन्ध प्रवद्र्घन गर्ने प्रतिबद्धताका रूपमा लिएको छ ।
चीनको तिब्बत स्वायत्त क्षेत्रको राजधानी शहर ल्हासा उच्च हिमालय क्षेत्रमा रहेको सांस्कृतिक र आध्यात्मिक केन्द्र हो । मनमोहक परिदृश्य र प्राचीन गुम्बाका लागि परिचित ल्हासा तिब्बती बौद्ध धर्म र तिब्बती संस्कृतिको केन्द्र मानिन्छ । उक्त शहरको समृद्ध इतिहास र परम्पराको अद्वितीय मिश्रणले तिब्बतको आध्यात्मिक सम्पदा र प्राकृतिक सौन्दर्यको झलक हेर्न खोज्ने यात्रुका लागि मनमोहक गन्तव्यका रूपमा प्रस्तुत गरेको छ ।
पहिलो आउट बाउन्ड उडान, एच ९ ७७४, त्रिभुवन अन्तर्राष्ट्रिय विमानस्थलबाट स्थानीय समयअनुसार बिहान आठ बजेर ४० मिनेटमा भएको थियो भने ल्हासा गोगांर विमानस्थलमा स्थानीय समयअनुसार बिहानकोे १२ बजे अवतरण गरेको थियो । उडान अवधि एक घण्टा २० मिनेटको रहेको छ । पहिलो उडानमा कुल यात्रु संख्या एक सय ३६ रहेका थिए । जनवरी १, २०२४ देखि एयरलाइन्सले हरेक सोमबार उडान सञ्चालन गर्ने जनाएको छ । उक्त उडानसँगै नेपाल र चीनबीच हिमालय एयरलाइन्सकोे पाँचौँ सिधा उडान सेवा हुनेछ । एयरलाइन्सले यसअघि नै बेइजिङ, चोङकिङ, छिन्ताओ र सांघाईमा नियमितरूपमा उडान सेवा सञ्चालन गर्दै आएको छ ।
उडान सेवा उद्घाटन कार्यक्रममा संस्कृति, पर्यटन तथा नागरिक उड्डयनमन्त्री सुदन किराँतीका साथै चिनियाँ दूतावासका उपप्रमुख वाङ जिन, हिमालय एयरलाइन्सका अध्यक्ष झोउ एनयोङलगायतको उपस्थिति रहेको एयरलाइन्सले जनाएको छ ।
अध्यक्ष वाङ जिनले भन्नुभयो, ‘यो प्रथम उडान नेपाल र चीनबीचको द्विपक्षीय सम्बन्धलाई ठूलो शक्ति दिने अवसरमा छ, जो सांस्कृतिक र संयोजन सम्बन्धलाई थप नजिक गर्दै जानेछ । नयाँ सुरु गरिएको रुटले दुई देशलाई जोड्ने यातायात सञ्जालमा महत्वपूर्ण प्रगतिका रूपमा प्रतिनिधित्व गरेको छ । सारमा यस रुटले अरनिको राजमार्गले जोडेको विद्यमान दुई देशबीचको कनेक्टिभिटीलाई अझ व्यापकरूपमा विस्तार गर्छ । उपाध्यक्ष विजय श्रेष्ठले भन्नुभयो, ‘हिमालयको मुख्य उद्देश्य चीनका १० वटा विभिन्न पर्यटकीय गन्तव्यमा उडान सञ्चालन गरी १० लाख पर्यटकलाई नेपालमा स्वागत गर्नु हो । उडान हाम्रा समस्त यात्रुलाई नेपाल र चीन दुवै देशका विविध सौन्दर्य तथा अवसरको अन्वेषणमा सहायकसिद्घ हुने अपेक्षा राख्छौँ ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच