काठमाडौं । नाडा अटोमोबाइल्स एसोसिएसन अफ नेपालका अध्यक्ष डा. ध्रुव थापा नेतृत्वको प्रतिनिधिमण्डलले अर्थमन्त्री डा. प्रकाशशरण महतसँग अटोमोबाइल क्षेत्रका विभिन्न विषयमा छलफल गरेको छ । छलफलमा अध्यक्ष थापाले हालै वीरगञ्ज तथा भैरहवा भन्सार परिसरमा जम्मा भएका सामान भन्सार बिन्दुबाट छुटाउने सम्बन्धमा सूचना प्रकाशित हुँदा सवारी तथा ढुवानीका साधनसमेत छुटाउने गरी भन्सार विभागले मंसिर १० मा सार्वजनिक सूचना जारी गर्दै सवारी तथा ढुवानीका साधन छुटाउन समयावधिसमेत तोकेकोमा आपत्ति जनाउनुभयो ।
भन्सारमा रहेका सबै सामानहरू एकै प्रकृतिका नहुने र विशेषतः सवारी तथा ढुवानीका साधनका हकमा अझ यस्ता सवारीसाधनको आयु अवधि लामो हुने भएकाले सवारीसाधनका हकमा अन्य सामानसरह एकै प्रकारको व्यवहार गरिनु न्यायोचित नहुने उहाँको भनाइ थियो । अध्यक्ष थापाले हालको विषम परिस्थितिमा सवारीसाधनको बजार माग अति न्यून हुँदाहुँदै पनि सवारीसाधन व्यवसायीले क्रमिकरूपमा छुटाउँदै आएको र पछिल्ला छ महिनाभित्रै पनि करिब १६ सय सवारी तथा ढुवानीका साधन भन्सार जाँचपास गराइसकिएको जानकारी गराउनुभयो । हाल परिस्थिति जटिल रहेको अवस्थामा समेत व्यवसायीहरूले पार्किङबापत करोडौँ रकम तिरिरहेको, उत्पादक कम्पनी र आधिकारिक बिक्रेताको सम्झौताबमोजिम सवारीसाधन उत्पादन गर्न कयौं महिनाअघि आदेश दिनुपर्ने, सम्झौताबमोजिम सम्झौता अवधिभित्र लिन कबुल गरेको संख्यामा सवारीसाधन लिनैपर्नेे अवस्था रहेको र सवारीसाधनका आधिकारिक पैठारीकर्ताले सवारीसाधन आयात गर्नैपर्ने बाध्यात्मक अवस्था रहे तापनि पैठारीकर्ताले कार्ययोजना बनाई क्रमिकरूपमा भन्सार जाँचपास गराउने कार्य गर्दै आएको उहाँले बताउनुभयो । उल्लेखित समस्यालाई मध्यनजर गर्दै कम्तीमा चालु आर्थिक वर्षको अन्त्यसम्मका लागि भन्सारमा आइसकेका सवारी तथा ढुवानीका साधनको हकमा भन्सार बिन्दुबाट सामान छुटाउन मिल्ने गरी समयावधि थप गर्न पनि अध्यक्ष थापाले अर्थमन्त्रीको ध्यानाकर्षण गराउनुभयो ।
नाडाका उपाध्यक्ष राजनबाबु श्रेष्ठले बिक्री हुन नसकी भन्सारमा रहेका ती सवारी तथा ढुवानीका साधनलाई कुनै पनि मुलुकमा रि-एक्सपोर्ट गर्न सकिने व्यवस्थाको परिकल्पना आर्थिक ऐनले पनि गरेको र सोसम्बन्धी प्रावधानसमेत रहेकोमा कार्यान्वयन नभएको भन्दै रि-एक्सपोर्टका लागि नीतिगत सहजीकरणमा जोड दिनुभयो । नाडाका महासचिव सुरेन्द्रकुमार उपे्रतीले नेपालमै उत्पादन हुने सबै किसिमका ब्याट्री निर्यात गर्दा अन्य निर्यात वस्तुले पाउनेसरहको छुट पाउने व्यवस्थाको माग गर्नुभयो भने नाडाका सचिव विक्रम सिंहानियाले नेपालमा उत्पादित टायर निर्यात गर्दा पनि सोही किसिमको व्यवस्थाका लागि आग्रह गर्नुभएको नाडाले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच