काठमाडौं । नेपालस्थित टिभिएस मोटरको आधिकारिक बिक्रेता जगदम्बा मोटर्सले आफ्नो नयाँ इलेक्ट्रिक स्कुटर टिभिएस आइक्युबले एक लाख किलोमिटर यात्रा सम्पन्न गरेको जनाएको छ । टिभिएस आईक्युब कम्पनीले नेपाली बजारमा लन्च गरेको पहिलो इलेक्ट्रिक स्कुटर हो ।
सिंगल चार्जमा नै धेरैभन्दा धेरै माइलेज दिने, राइडिङ कम्फर्ट, इको फ्रेन्डलिनेस, आकर्षक मूल्यलगाय विशेषताका कारण लन्च भएको चार महिनाभन्दा कम समयमै टिभिएस आइक्युब उल्लेखनीय उपलब्धि हासिल गर्न सफल भएको कम्पनीको भनाइ छ ।
ग्रीन रिभोलुसन राइडमा अन्य पेट्रोल स्कुटर राइडको तुलनामा तीन हजार पाँच सय किलो कम कार्बन उत्पादन भएको बताइएको छ, जुन करिब एक सय ७५ वटा रूख रोपेको बराबर हो । अन्य पेट्रोल स्कुटर राइडको तुलनामा करिब दुई सय ५० लिटर कम इन्धन खपत भएको पनि कम्पनीको दाबी छ ।
एक लाख किलोमिटरको कोसेढुंगा पार गरेको खुशीयालीमा टिभिएस मोटर कम्पनीले जगदम्बा मोटर्स प्रालिको सहकार्यमा टिभिएस आइक्युबका ग्राहकसँग ग्रीन रेभोलुसनराइड सञ्चालन गर्दै मनाएको छ । नक्सालको टिभिएस शोरूमबाट सुरु भई भक्तपुरमा समाप्त भएको राइडमा ३० जना राइडरको सहभागिता थियो । टिभिएस आइक्युबले सिंगल चार्जमा सय किलोमिटको रेन्ज प्रदान गर्ने कम्पनीको दाबी छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच