काठमाडौं । गो ड्रिमर्सले आयोजनाको प्रस्ताव गरेको अर्जुन ट्रफी टी-२० राष्ट्रिय क्रिकेट प्रतियोगितालाई नेपाल क्रिकेट संघ(क्यान)ले आफ्नो क्यालेण्डरमा समावेश गरेको छ । क्यानले बिहीबार सार्वजनिक गरेको क्यालेण्डरमा आगामी नोभेम्बर-डिसेम्बरमा आयोजना हुने गरी अर्जुन ट्रफीलाई समावेश गरेको हो ।
गो ड्रिमर्सका अध्यक्ष सुवाश शाहीका अनुसार धनगढी क्रिकेट एकेडेमीका पूर्व-प्रशिक्षक नेपाली क्रिकेटका धरोहर दिवंगत प्रशिक्षक अर्जुन खड्काको स्मृतिमा उक्त प्रतियोगिता आयोजनाको प्रस्ताव गरिएको थियो ।
यसअघि धनगढी प्रिमियर लिग (डिपिएल)जस्ता व्यावसायिक ठूला प्रतियोगिताहरू आयोजनाको अनुभव सम्हालिसकेका शाहीले अर्जुन ट्रफीले नेपाली क्रिकेटमा बेन्चमार्क सेट गर्ने बताउनुभयो । प्रतियोगितामा सात प्रदेशका सात क्लबहरूले राउण्ड रोबिनका आधारमा प्रतिस्पर्धा गर्नेछन् ।
‘अर्जुन दाइले नेपाली क्रिकेटमा निभाउनुभएको भूमिका अतुलनीय छ । उहाँले थुप्रै राष्ट्रिय तथा अन्तर्राष्ट्रिय क्रिकेटरहरू जन्माउनुभएको छ,’ शाहीले भन्नुभयो, ‘उहाँको योगदानको कदर गर्दै हामीले यो प्रतियोगिता आयोजनाको प्रस्ताव गरेका थियौँ । हाम्रो प्रस्तावलाई स्वीकार गर्दै क्यालेण्डरमा समावेश गरिदिएकोमा क्यानलाई धन्यवाद दिन चाहन्छु । साथै सम्पूर्णलाई प्रतियोगितामा जोडिन आहृवान गर्दछु ।’
आफ्नो सम्पूर्ण जीवन नै क्रिकेटमा नै समर्पण गरेका खड्का सुदूर पश्चिमाञ्चल क्षेत्रकै क्रिकेटको सम्माननीय अभिभावक हुनुहुन्छ । उहाँको प्रशिक्षकत्वमा हुर्किएका भुवन कार्की, नरेश बुढाऐर, विनोद भण्डारी, प्रदीप ऐरी, राजु रिजाल, सुनिल धमला, सोनु खड्का जस्ता थुप्रै खेलाडीहरूले नेपालको प्रतिनिधित्व गरिसक्नु भएको छ ।
भारतको क्रिकेट नर्सरी मानिने मुम्बई शहरमा बाल्यकाल बिताएका अर्जुन खड्काले त्यही क्रिकेट प्रशिक्षण गर्नुभएको थियो । पारिवारिक कारणले धनगढी आएपछि सुरुमा उहाँले स्थानीय कर्भडहलमा निःस्वार्थ रूपमा स्थानीय युवाहरूलाई प्रशिक्षण गराउनुहुन्थ्यो ।
पछि उहाँले २०७० सालमा धनगढी क्रिकेट एकेडेमीको स्थापना भएपछि मुख्य प्रशिक्षकको रूपमा काम गर्नुभयो । उनको प्रशिक्षण तथा मेहनतले धनगढी क्रिकेट एकेडेमी छोटो समयमै थुप्रै चर्चा तथा उपलब्धि हासिल गर्न सफल भएको थियो । २०७२ भदौमा उहाँको निधन भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच