काठमाडौं । रिपब्लिक अफ आइसल्याण्डले विदुषी राणालाई नेपालका लागि आफ्नो अवैतनिक महावाणिज्यदूतमा नियुक्त गरेको छ । उहाँलाई परराष्ट्र मन्त्रालयका चिफ अफ प्रोटोकल दिलीपकुमार पौडेलले बिहीबार ओहदाको प्रमाणपत्र हस्तान्तरण गर्नुभएको हो ।
दुई देशबीचको कूटनीतिक सम्बन्ध सुमधुर बनाउने प्रतिबद्धता जनाउँदै आइसल्याण्ड सरकारले राणालार्ई नेपालका लागि अवैतनिक महावाणिज्यदूतमा नियुक्त गरेको जनाएको छ । अवैतनिक महावाणिज्यदूतको हैसियतमा राणाल दुई दशेबीचको पर्यटन, सांस्कृतिक आदानप्रदान, व्यापार र लगानीलाई सहज बनाउन प्रयास गर्दै पारस्परिक हितका लागि समझदारी र सहयोगलाई बढावा दिने प्रयास गर्ने बताउनुभएको छ ।
राणा किरण सुज (गोल्डस्टार सुज) का कार्यकारी निर्देशक हुनुहुन्छ । उहाँले आगामी दिनमा नेपाल-आइसल्याण्डको बहुआयामिक सम्बन्धलाई नयाँ उचाइमा पुर्याउने प्रतिबद्धता व्यक्त गर्नुभएको छ । राणाको अवैतनिक महावाणिज्यदूतमा नियुक्तिले विभिन्न क्षेत्रमा सहयोग अभिवृद्धिको महत्वलाई जोड दिने विश्वास गरिएको छ । साथै दुई देशबीचको आपसी सहकार्यले व्यापार, पर्यटन र शिक्षाजस्ता प्रमुख क्षेत्रको विकासमा सहयोग पुग्ने अपेक्षा गरिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच