काठमाडौं । सिभिल सहकारीका सञ्चालक इच्छाराज तामाङ सम्पत्ति शुद्धीकरण मुद्दामा दोषी ठहर भएका छन् ।
विशेष अदालतका अध्यक्ष टेकनारायण कुँवर, सदस्यहरु तेजनारायण सिंह राई र मुरारीबाबु श्रेष्ठको इजलासले तामाङको सम्पत्तिको स्रोत नखुलेको भन्दै सम्पत्ति शुद्धीकरण मुद्दामा दोषी ठहर गरेको हो ।
तामाङमाथि आपराधिक लाभमार्फत् ३ अर्ब ३१ करोड ८५ लाख रुपैयाँ गैरकानूनी सम्पत्ति आर्जन गरेको अभियोग लगाइएको थियो ।
अदालतले तामाङकी श्रीमती सिर्जना शाक्य तामाङ समेतलाई दोषी करार गरेको छ । विभागले उनकी पत्नी सिर्जनासँग एक अर्ब ३ करोड रुपैयाँ बिगो मागदाबी गरेको थियो ।
सहकारीको रकम आफ्ना विभिन्न कम्पनीमा लगानी गरेको र कम्पनीको नाफा अन्यत्र लगानी गरेको आरोपमा सिभिल सहकारीका तत्कालिन अध्यक्ष, उनकी पत्नी, छोरीहरु र नातेदार विरुद्ध मुद्दा दायर गरेको थियो ।
उनका दुई छोरीले भने सफाइ पाएका छन् ।
सिभिल सहकारी ठगी प्रकरणपछि सम्पत्ती शुद्धिकरण विभागले उनको सम्पत्ती छानबिन गरेको थियो। विभागले २०७९ भदौ १६ गते मुद्दा दायर गरेको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच