काठमाडौं । हस्तकला व्यवसायी सजिलमान शाक्यको न्यायका लागि ललितपुरवासीले सरकार तथा सम्बन्धित निकायलाई दबाब दिएका छन् । ज्यान मार्ने प्रयास गरेको आरोपमा प्रहरीले स्क्वायर होटलका सञ्चालक ललिता देवकोटा भण्डारीलाई पक्राउ गरे पनि अर्का सञ्चालक रोमी अर्याल भने फरार छन् ।
जिल्ला प्रहरी परिसर ललितपुरले होटल सञ्चालकमध्ये भण्डारीलाई शनिबार पक्राउ गरेको हो । शाक्य परिवारका अनुसार गत भदौमा सजिलमान शाक्य होटल स्क्वायरमा स्विमिङ गर्दा करेन्ट लागेर बेहोस हुनुभएको थियो । उहाँ अहिले पनि अचेत अवस्थामै हुनुहुन्छ ।
शाक्य परिवारले जाहेरी दर्ता गर्न खोज्दा प्रहरीले नमानेपछि सरकारी वकिल हुँदै जाहेरी प्रहरीमा पुगेको जाहेरी घटना भएको साढे चार महिनापछि दर्ता भएको थियो । शाक्य छोरीसहित स्विमिङ जानुभएको थियो तर छोरी चस्मा मिलाउन स्विमिङ पुलबाट बाहिर निस्केका बेलामा शाक्य कामिरहेको देखेपछि श्रीमतीले तान्न खोज्दा झड्का लागेको थियो ।
त्यसपछि शाक्य पुलमै बेहोस हुनुभएको थियो । होटलले स्विमिङ पुलनजिकै जडान गरेको बत्तीको पोलमा करेन्ट सट हुँदा पनि मर्मत नगरी लापरबाही गरेको भन्दै ज्यान मार्ने प्रयास गरेको आरोपमा शाक्य परिवारले किटानी जाहेरी दिएका छन् । नेपाल हस्तकला महासंघका सदस्यसमेत रहनुभएका शाक्यको न्यायका लागि फरार आरोपीलाई पनि अबिलम्ब पक्राउ गरी कारबाही हुनुपर्ने महासंघ अध्यक्ष प्रचण्ड शाक्यले पनि माग गर्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच