काठमाडौं । काठमाडौंको भृकुटीमण्डपमा शुक्रबारदेखि कृषि यान्त्रिकीकरणसम्बन्धी बृहत् अन्तर्राष्ट्रिय प्रदर्शनी छैटौँ एग्रिटेक अन्तर्राष्ट्रिय प्रदर्शनी २०८० सुरु भएको छ । प्रदर्शनी उद्घाटन गर्दै कृषि तथा पशुपन्छी विकासमन्त्री बेदुराम भुसालले प्रविधिमार्फत् नै कृषि क्षेत्रको उत्थान हुने बताउनुभयो । उत्पादन बढाउन उत्पादकत्व वृद्धि गर्नुपर्ने र उत्पादन लागत घटाउन यान्त्रीकरणले महत्वपूर्ण भूमिका खेल्न सक्ने उहाँको भनाइ थियो । मन्त्री भुसालले भन्नुभयो, ‘प्रविधिमार्फत् कृषि क्षेत्रमा प्रगति हुन्छ । हामीले कृषि उत्पादनमा वृद्धि गर्नु नै पर्नेछ ।
अत्यन्तै मिहिनेतासाथ हामी त्यो गर्न चाहन्छौँ ।’ मन्त्रालयका सचिव डा. रेवतीरमण पौडेलले व्यावसायिक प्रतिस्पर्धाका नाममा किसान ठगिने अवस्था अन्त्य गर्दै कृषि यान्त्रीकरणलाई इमानदाररूपमा कृषकसमक्ष पु¥याउन जरुरी रहेको बताउनुभयो । उहाँले भन्नुभयो, ‘अहिले हाम्रो अस्वस्थ प्रतिस्पर्धा भइरहेको छ । इम्पोर्ट र डेलिभरी गर्ने र किसानलाई कतिपय ठाउँमा भिडाउने, कतिपय ठाउँमा हाम्रै सरकारी संयन्त्रमार्फत् गरेका कुरामा पनि ओभरसाइड एजेन्सीहरूले त्यसमा कैफियतहरू देखाएर कतिपय हाम्रा साथीहरूलाई पनि अप्ठ्यारो परिरहेको अवस्था छ ।’ आइतबारसम्म सञ्चालन हुने प्रदर्शनीमा नेपाललगायत भारत, चीन, जापान र टर्की गरी पाँच देशका सयवटा स्टल रहेको आयोजकले जनाएको छ ।
विभागीय मन्त्रालय प्रवद्र्धक रहेको मेलाको कृषि साझेदार मुक्तिनाथ कृषि कम्पनी लिमिटेड रहेको छ । कृषि र पशुपालनसम्बन्धी नवीनतम् प्रविधिका उपकरण राखिएको प्रदर्शनीमा कृषिका कुखुरापालन, माछापालन, बाख्रापालन, गाईभैँसीपालन, डेरीलगायत कृषिका नवीनतम् औजार, उपकरण, केराखेती, थोपा सिँचाइ, विषादीरहित कृषिलगायतका कृषि प्रविधि रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच