काठमाडौं । अर्थमन्त्री डा. प्रकाशशरण महतले अर्थतन्त्र विस्तारै लयमा फर्किएको दाबी गर्दै अब पूर्वाधार निर्माणलाई प्राथमिकतामा राख्नुपर्ने बताउनुभएको छ । नेपाल मार्केटिङ एसोसिएसन(एनएमए)द्वारा शनिबार राजधानीमा आयोजित एनएमए मार्केटिङ समिट उद्घाटन गर्दै उहाँले यस्तो बताउनुभएको हो ।
मन्त्री महतले भन्नुभयो, ‘देशको अर्थतन्त्र समस्यामा थियो, विस्तारै सुधार हुँदैछ । हामीले धेरै राजनीतिक आरोहअवरोह पार गरिसक्यौँ, राजनीतिक पूर्वाधार तयार पारिसक्यौँ । अब अर्थतन्त्रको पूर्वाधार तयार पार्न आवश्यक छ ।’ उहाँले आर्थिक सूचकांक सकारात्मक रहेको जिकिर गर्दै मूल्यवृद्धि नियन्त्रणमा रहेको, ब्याजदर घटिरहेको, सेयर बजारमा सुधार भइरहेको, मुलुकलाई आर्थिक गति दिन स्पष्ट मार्गचित्र बन्दै गएको दाबी गर्नुभयो ।
अर्थतन्त्रमा शिथिलता देखिएका कारण बजार चलायमान हुन नसक्दा उपभोक्ता तथा निजी क्षेत्रको घट्दै गएको आत्मविश्वास अहिले सुधार हुँदै गएको अर्थमन्त्रीको भनाइ थियो ।
नेपाल मार्केटिङ एसोसिएसन समिटले उद्योगका अगुवा, मार्केटिङ व्यवसायी र उदीयमान प्रचलन अन्वेषण गर्न र ज्ञान आदानप्रदान गर्न उत्साहीलाई जोड्ने प्रयास गर्ने आयोजकले जनाएको छ । समिटमा सहभागीलाई उद्योग प्रवृत्ति र समान विचारधारा भएका व्यक्तिहरूसँग सञ्जालमा रहन अवसर प्रदान गर्ने लक्ष्य राखेको छ । एकदिने समिटमा नेपाली ब्राण्डका चुनौती र अवसरबारेमा छलफल, ब्राण्ड यात्रा, सान्दर्भिक केस स्टडी र मार्केटिङको भविष्यबारेमा चारवटा सत्रमा छलफल हुने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच