भोजपुर । पहाडी जिल्ला भोजपुरको षडानन्द नगरपालिकाको केन्द्रमा जारी प्रदेश अन्तरपालिका स्तरीय भलिवल प्रतियोगिता अन्तर्गत शुक्रवार क्वाटर फाइनलका चार वटा खेलहरु संचालन हुने छन ।
समुह चरणका खेलहरु सकिएसँगै क्वाटर फाइनलका खेल सुरु गरिएको आयोजक जिल्ल खेलकुद बिकास समिति भोजपुरका प्रमुख गेल्जेन शेर्पाले बताउनुभयो । क्वाटर फाइनल अन्तर्गत षडानन्द नगरपालिका र भोजपुर नगरपालिका बिच पहिलो, साल्पासिलिछो गाउँपालिका र रामप्रसाद राई गाउँपालिका दोश्रो, टेम्केमैयुङ गाउँपालिका र आमचोक गाउँपालिका तेश्रो र दमक नगरपालिका र बेलबारी नगरपालिका बिच चौथो खेल हुने छ ।
‘सुन्दर प्रकृति र स्वर्गरुपी मेरो देश, खेलकुद मार्फत पर्यटनको सन्देश’ भन्ने नाराका साथ सुरु प्रदेश अन्तरपालिका स्तरीय भलिवल प्रतियोगितामा प्रदेश भित्रका षडानन्द नगरापालिका भोजपुर, आमचोक गाउँपालिका भोजपुर, साल्पासिलिछो गाउँपालिका, बेलवारी नगरपालिका मोरङ, भोजपुर नगरपालिका, टेम्केमैयुङ गाउँपालिका, दमक नगरपालिका र रामप्रसाद राई गाउँपालिका गरी ८ टिमले सहभागिता जनाएका छन् ।
२७ गतेसम्म संचालन हुने प्रतियोगिताका बिजेता टिमले एक लाख ५० हजार नगद सहित शिल्ड, मेडल र प्रमाणपत्र पाउने छ भने उपबिजेता हुने टिमले एक लाखको साथमा शिल्ड, मेडल र प्रमाणपत्र पाउने छ । यस्तै प्रतियोगितामा तेस्रो हुने टिमले नगद ५० हजारका साथमा शिल्ड, मेडल र प्रमाणपत्र पाउने छन् । प्रतियोगिता अन्तर्गत उत्कृष्ठ छ विधामा खेलाडीहरुले पाँच हजार साथमा मेडल र प्रमाणपत्र पाउने जिल्ला खेलकुद बिकास समितिका प्रमुख शेर्पाले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच