काठमाडौं । मायाको पहिचान नेपालले नेपालमा पहिलोपटक नेपाल पर्यटन बोर्डको सहयोगमा रेन्बो पर्यटन अन्तर्राष्ट्रिय सम्मेलन गर्ने भएको छ । अप्रिलको २० र २१ तारिखमा सम्मेलन हुने मायाको पहिचान नेपालका कार्यकारी निर्देशक एवं पहिलो संविधानसभा सदस्य सुनिलबाबु पन्तले जानकारी दिनुभयो ।
सम्मेलनमा अन्तर्राष्ट्रिय पर्यटन व्यवसायी, होटल व्यवसायी, अन्तर्राष्ट्रिय दातृ निकाय, सञ्चारकर्मी तथा सेलिब्रेटीहरूलाई आमन्त्रण गरिने आयोजकले शुक्रबार पत्रकार सम्मेलन गरी जानकारी गराएको छ । कार्यकारी निर्देशक पन्तले नेपालले यौनिक तथा लैंगिक अल्पसंख्यक समुदायको हक अधिकारका क्षेत्रमा उल्लेखनीय प्रगति गरिसकेको अवस्थामा उक्त समुदायको आर्थिक उन्नतिमा सहयोग गर्न, रोजगारीका अवसर सिर्जना गर्न तथा नेपालको पर्यटन उद्योगलाई थप उचाइमा पुर्याउन सम्मेलनले महत्वपूर्ण भूमिका खेल्ने विश्वास व्यक्त गर्नुभएको छ ।
पर्यटन बोर्डका निमित्त कार्यकारी निर्देशक नन्दिनी लाहे थापाले रेन्बो पर्यटन महत्वपूर्ण सेगमेन्ट भएको र नेपालले त्यस्तो पर्यटनलाई सक्दो सहयोग गर्नुपर्ने बताउनुभयो । उहाँले बोर्डले सम्मेलन सफल पार्न तथा रेन्बो पर्यटनलाई नेपाल भित्र्याउन सक्दो सहयोग गर्ने र थप कार्यक्रम लिएर आउने प्रतिबद्धतासमेत व्यक्त गर्नुभयो ।
कार्यक्रम प्रचारप्रसारका लागि स्टार प्रमोटरका रूपमा यौनिक तथा लैंगिक अल्पसंख्यक समुदायका अधिकारकर्मी तथा ब्लगर लेक्स लिम्बूलाई घोषणा गरिएको छ । लिम्बूले स्टार प्रमोटर हुन पाएकोमा खुस्री व्यक्त गर्दै सम्मेलन सफल पार्न तथा नेपालमा रेन्बो टुरिजम प्रवद्र्र्धन गर्न सक्दो सहयोग गर्ने बताउनुभयो । सम्मेलनको होटल पार्टनरमा अलफ्ट होटल रहेको छ । होटलका सेल्स प्रबन्धक पवनराज भण्डारीले सम्मेलनमा अलफ्टले सहकार्य गर्न पाउनु गर्वको विषय भएको बताउनुभयो । रेन्बो पर्यटनका सांस्कृतिक राजदूतसमेत रहनुभएका सुनिलबाबु पन्तले राष्ट्रिय अन्तर्राष्ट्रिय पर्यटन व्यवसायी, होटल व्यवसायी, यौनिक तथा लैंगिक अल्पसंख्यक समुदायका साथीहरू, सरकार तथा अन्तर्राष्ट्रिय साझेदारलाई सक्रिय सहभागी हुन सहयोग गर्न आहृवान गर्नुभएको छ ।
नेपालले रेन्बो पर्यटनलाई प्रवद्र्धन गर्दै गर्दा नेपालको संस्कृति, रहनसहन, भेषभूषा, चाडपर्व, खानपानलगायतका मौलिक पक्ष संरक्षण र संवद्र्धन गरिने आयोजकले जनाएको छ । वार्षिक करिब पाँच सय बिलियन डलरभन्दा बढी रेन्बो टुरिजम व्यवसाय हुने गरेकामा सम्मेलनबाट नेपालले फाइदा लिनुपर्ने पन्तको जोड रहेको मायाको पहिचान नेपालका सचिव सुरेन्द्र पाण्डेले बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच