भोजपुर । कृषकहरुलाई आत्मनिर्भर बनाउने उद्देश्यका साथ भोजपुर नगरपालिका वडा नम्वर ५, बोखिकले उन्नत जातका फलफुलका बिरुवाहरु बितरण गरेको छ ।
राष्ट्रिय फलफुल केन्द्रले सुचीकृत गरेको नर्सरीहरुबाट ल्याएर वडा भित्रका करिव दुई सय कृषकलाई स्याउ, अंगुर, नास्पातीलगायतका बिरुवाहरु वितरण गरिएको वडाध्यक्ष फविन्द्र प्रधानले बताउनुभयो । धरान, बिराटनगरलगायतका जिल्लाहरुबाट आयात हुने फलफुल जन्य सामाग्रीहरुलाई रोकेर आफ्नै जिल्लामा उत्पादनका लागि प्रोत्साहन गर्ने लक्ष अनुसार वडाले अनुदानमा बिरुवा वितरण गरेको हो ।
वडाध्यक्ष प्रधानले आर्थिक बर्ष २०८०-०८१ को बजेटबाट बिनियोजन भएको दुई लाख २५ हजार र कृषक मार्फत २५ प्रतिशत गरी तीन लाख वरावरको बिरुवा हावापानी अनुकुलका वितरण गरिएको बताउनुभयो । बाहिरबाट आयात हुने फलफुल जन्य सामाग्रीहरु वडा भित्र नै उत्पादन गरेर निर्यात गर्न सकेमा जिल्लालाईसमेत समृद्ध बनाउन सकिने वडाध्यक्ष प्रधानको भनाई रहेको छ ।
वडा कार्यालय मार्फत् हावापानी अनुकुल बिरुवाहरु वितरण गरिएकोमा स्थानीय कृषकहरुमासमेत उत्साह देखिएको छ । कृषि बिज्ञहरुसँगको परामर्शमा वडाले बिरुवा वितरण गरेकाले यसले कृषकलाई पनि राहत मिल्ने स्थानीय रबिन राईले बताउनुभयो । हामी कृषकले आफ्नै ठाउँमा केही गर्न सकिएमा अन्यको परनिर्भता पनि बस्नु नपर्ने कृषक राईको भनाई रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच