ललितपुर । चलचित्र ‘द अन ब्रेकेबल अगस्त्यः च्याप्टर १’को ट्रेलर सार्वजनिक गरिएको छ । ललितपुरमा एक कार्यक्रमबीच सार्वजनिक गरिएको तीन मिनेटको ट्रेलरमा एक्सन दृश्यले भरिएको छ ।
यही फागुनको १८ गतेदेखि सिनेमाघरमा आउने तयारीमा रहेको यो चलचित्रको ट्रेलर हेर्दा एउटा पार्टमा अभिनेताद्वय सौगात मल्ल र नाजिर हुसेनबीचको मित्रता देखाइएको छ भने अर्को पार्टमा दुवैलाई एक्सन अवतारमा प्रस्तुत गरिएको छ । अभिनेत्री मलिका महत कम ‘स्क्रिन स्पेश’मा पनि अर्थपूर्ण देखिनुहुन्छ । ट्रेलरको अन्तिममा भने अभिनेता निश्चल बस्नेतलाई उतारिएको छ ।
सौरभ चौधरीको लेखन तथा निर्देशन रहेको चलचित्रमा विजय बराल, रवीन्द्र झा, बेन बस्नेत, शिशिर वांगदेल, सिम्रन खड्का, प्रकाश दाहाल, गजेन्द्र त्रिपाठीलगायतको अभिनय छ । चलचित्रले मधेसको कथा उठाएको छ ।
चलचित्रमा प्रकाश मल्ल, अनिष तामाङ र विनोद पौडेल निर्मातामा हुनुहुन्छ भने कार्यकारी निर्माता विश्व गौचन र अभिषेक चौधरी रहनुभएको छ । सञ्जय लामाको छायांकन रहेको चलचित्रमा निमेष श्रेष्ठको सम्पादन, श्री श्रेष्ठको द्वन्द्व निर्देशन, कविराज गहतराजको कोरियोग्राफी, सौरभ शर्मा र भाष्कर स्वाँरको ब्याकग्राउण्ड म्युजिक तथा एसडी योगीको संगीत छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच