काठमाडौं । पिस प्वाइन्टले १२औँ लोयल्टी कप यू-१३ अन्तरविद्यालय छात्र फुटबल प्रतियोगिताको उपाधि जितेको छ । बुढानीलकण्ठ नगरपालिका-९ को एकता बस्तीस्थित आयोजक लोयल्टी एकेडेमीको मैदानमा भएको फाइनलमा पिस प्वाइन्टले काष्ठमण्डपलाई १-० गोलले पराजित गर्यो । पिस प्वाइन्टको जितमा रोनिक ठाकुरले निर्णायक गोल गर्नुभयो । काष्ठमण्डपका अध्ययन शेरचन फाइनलको ‘म्यान अफ द म्याच’ घोषित हुनुभयो ।
पिस प्वाइन्टका रञ्जित खड्का उत्कृष्ट गोलरक्षक, ब्रहृमकुञ्जका एलेक्स कुँवर उत्कृष्ट डिफेन्डर, काष्ठमण्डपका विशांक कार्की उत्कृष्ट स्ट्राइकर, लोयल्टी ‘बी’ का साहिल राई उत्कृष्ट मिडफिल्डर र पिस प्वाइन्टका यतिराज गुरुङ उत्कृष्ट प्रशिक्षक चुनिनुभयो । प्रतियोगिताभर ११ गोल गर्नुभएका लोयल्टीका विंगु थापा सर्वाधिक गोलकर्ता हुनुभयो । नेपाल पुलिस स्कुलले अनुशासित टिमको उपाधि जित्यो ।
विजेतालाई फेडाप गाउँपालिका, तेह्रथुमका अध्यक्ष केशव भेटवाल, बुढानीलकण्ठ नगरपालिका-९ का सदस्य रमेश गौतम, समाजसेवी शंकर आचार्य, आयोजक विद्यालय व्यवस्थापन समितिका सदस्य श्रीराम क्षेत्री, लोयल्टीका प्रिन्सिपल वीरेन्द्र कुरुम्वाङ, व्यवसायी शंकर कार्की, लोयल्टीका विद्यालय प्रशासन प्रमुख हरिप्रसाद दाहाललगायतले एक कार्यक्रमबीच पुरस्कृत गर्नुभयो । फागुन ६ गतेदेखि सुरु भएको प्रतियोगितामा आयोजकका दुईसहित १३ टिमले लिग कम नकआउट आधारमा प्रतिस्पर्धा गरेका थिए ।
यता, गुहृयेश्वरी, प्यारागन र बौद्ध चिल्ड्रेन हेभनले द चाँदबाग स्कुल दोस्रो कम्फेस्टअन्तर्गत फुटबल र बास्केटबलको उपाधि जितेका छन् । गुहृयेश्वरी ब्वाइज फुटबल, प्यारागन ब्वाइज बास्केटबल र बौद्ध गल्र्स बास्केटबलमा च्याम्पियन बनेका हुन् । तीनै प्रतिस्पर्धा यू–१२ उमेर समूहको हो ।
बाँसबारीस्थित आयोजक द चाँदबाग स्कुलमा भएको ब्वाइज फुटबलको फाइनलमा गुहृयेश्वरीले टिआइएलाई १–० गोलले पराजित ग¥यो । गुहृयेश्वरीका तकेन्द्र बुढा क्षेत्री उत्कृष्ट खेलाडी तथा टिआइएका नोर्बु तामाङ उत्कृष्ट गोलरक्षक घोषित हुनुभयो । टिआइएका प्राञ्जल बस्नेत प्रतियोगिताकै सर्वाधिक गोलकर्ता बन्नुभयो ।
ब्वाइज बास्केटबलको फाइनलमा प्यारागनले मनास्लुलाई १६-८ ले हरायो । प्यारागनका अभिषेक घर्ती ‘मोस्ट भेलुएबल प्लेयर’ चुनिनुभयो । गल्र्स बास्केटबलको उपाधि भिडन्तमा बौद्धले चेल्सी वल्र्ड स्कुलको चुनौती १४-१२ ले पन्छायो । बौद्धकी जस्मिन गुरुङ ‘मोस्ट भेलुएबल प्लेयर’ बन्नुभयो ।
विजेतालाई यू-१६ राष्ट्रिय महिला फुटबल टोलीका प्रशिक्षक चक्रबहादुर तामाङ, चाँदबागका अध्यक्ष दामोदर लामिछाने, सिजी एडुकेसनकी बिजनेस युनिट हेड गर्ली अग्रवाल, सिजी एडुकेसनका शैक्षिक प्रमुख भुषण गुरुङ, प्रिन्सिपल चन्द्रायन प्रधान श्रेष्ठलगायतले एक कार्यक्रमबीच पुरस्कृत गर्नुभयो । फागुन ६ गतेदेखि सुरु प्रतियोगिताको ब्वाइज/गल्र्स बास्केटबलमा समान १२-१२ तथा फुटबलमा २२ टिमले प्रतिस्पर्धा गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच