काठमाडौं । हावाको कुरा गरौँ भन्ने नाराका साथ शहरी क्षेत्रमा बढ्दै गएको वायुको गुणस्तर सुधारका लागि समुदायको सहभागिता र सचेतना बढाउन काठमाडौंको हाँडीगाउँबाट अभियान सुरु भएको छ । काठमाडौं महानगरपालिकाले युएसएड, स्वच्छ हावा परियोजनासँगको सहकार्यमा अभियान सुरु गरेको हो ।
अभियानमा सवारीसाधन प्रयोग कम गराउने, सवारी प्रयोग नगर्दा हुने ठाउँमा नचलाउने र हिँड्ने संस्कृति बढाउँदै लैजानेलगायत क्रियाकलाप हुनेछन् । उक्त सांस्कृतिक विकासका लागि आवश्यक पर्ने शहरी पूर्वाधार निर्माण गर्ने, सामाजिक र सांस्कृतिक क्रियाकलापलाई पर्यटन व्यवस्थापनसँग जोडेर स्थानीयबासीको आयमा टेवा पुर्याउने, परम्परागत उद्यम तथा उद्यमशीलताको विकासलाई प्रवद्र्धन गरिने महानगरपालिकाले जनाएको छ । यसप्रकारका क्रियाकलापबाट काठमाडौंका सम्पदाहरू संरक्षण र प्रवद्र्धन तथा वातावरणीय सुधारमा टेवा पुग्नुका साथै मौलिकपन र जीवन्तता पुनस्र्थापना हुने अपेक्षा गरिएको छ । यसअघि हाँडीगाउँमा यसप्रकारका क्रियाकलाप सञ्चालन गरिएका छन् । सवारी प्रवेश निषेध गरिएका ठाउँमा हाँडीगाउँको मौलिक जीवन पद्धतिसँग सम्बन्धित कला तथा सीप (सुकुल बुन्ने, काष्ठकला, माटोका भाँडा बनाउने), रञ्जना लिपि लेखन सीप, मौलिक खाना, परम्परागत वाद्यबादन, गायन तथा नृत्य र मौलिक सामाजिक खेलसहितको सडक महोत्सव गर्ने गरिएको छ । कला, साहित्य, सिर्जना र शहरी वातावरण सुधारका लागि काम गर्ने विभिन्न संघ संस्थाले सूचना तथा जानकारीमूलक प्रदर्शनी गर्ने गरेका छन् ।
काठमाडौंको मौलिकता पुनस्र्थापनामा हाँडीगाउँबाट थालिएको अभियान महानगरका अन्य स्थान तथा क्षेत्रसँगै उपत्यकाभित्र विस्तार हुने बताइएको छ । महानगरपालिकाका अनुसार प्राचीन शहरको मौलिकपन फिर्ता गराउने प्रयासको प्रारम्भ हो । यसका सवल पक्ष अन्य स्थानका लागि सिकाइ बन्न सक्छन् । यी सिकाइका लागि आमसञ्चारकर्मी माध्यम बन्न सक्ने महानगरपालिकाका प्रवक्ता नवीन मानन्धरले बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच