काठमाडौं । निर्जीवन बिमा कम्पनीहरूले लगानीको अधिकांश हिस्सा बैंकको मुद्दती निक्षेपमा राख्ने गरेको पाइएको छ । नेपाल बिमा प्राधिकरणले सार्वजनिक गरेको चालु आर्थिक वर्ष २०८०/०८१ को पुससम्मको तथ्यांकअनुसार निर्जीवन बिमा कम्पनीले विभिन्न क्षेत्रमा कुल ६२ अर्ब ३२ करोड ३८ लाख ९२ हजार रुपैयाँ लगानी गरेको लगानीको ७९.८९ प्रतिशत हिस्सा मुद्दती निक्षेपमा रहेको छ । सो अवधिका नेपाल राष्ट्र बैंकबाट इजाजतपत्र प्राप्त बैंक तथा वित्तीय संस्थामा मुद्दती निक्षेपमा ४९ अर्ब ७९ करोड १६ लाख ६२ हजार रुपैयाँ लगानी रहेको छ ।
विभिन्न १४ निर्जीवन बिमा कम्पनीले वाणिज्य बैंकको मुद्दती निक्षेपमा ४३ अर्ब ४७ करोड ७८ लाख ५१ हजार रुपैयाँ लगानी गरेका छन् । जुन वाणिज्य बैंकहरूको मुद्दती निक्षेपमा भएको लगानीको हिस्सा करिब ७० प्रतिशत हो । विकास बैंकको मुद्दती निक्षेपमा पाँच अर्ब २० करोड ७३ लाख ११ हजार रुपैयाँ लगानी गरेका छन्, जुन कुल लगानीको ८.३६ प्रतिशत हो । त्यस्तै, कुल लगानीको १.७६ प्रतिशत ‘ग’ वर्गका वित्त कम्पनीमा लगानी गरेका छन् ।
वित्त कम्पनीमा एक अर्ब १० करोड ६५ लाख मुद्दती निक्षेप रहेको छ भने राष्ट्र बैंकको बचतपत्र तथा ऋणपत्रमा २२ करोड तीन लाख २५ हजार रुपैयाँ लगानी गरेका छन् । सो अवधिमा निर्जीवन बिमा कम्पनीहरूले तीन अर्ब ४७ करोड ५९ लाख तीन हजार रुपैयाँ सूचीकृत कम्पनीको साधारण सेयरमा लगानी गरेका छन् । राष्ट्र बैंकबाट इजाजतपत्र प्राप्त बैंक तथा वित्तीय संस्थाको अग्राधिकार सेयर, बण्ड, डिबेञ्चर-ऋणपत्रमा तीन अर्ब आठ करोड ७४ लाख ७५ हजार, सूचीकृत पब्लिक कम्पनीको सेयर, बण्ड, डिबेञ्चर-ऋणपत्रमा ९३ करोड ७२ लाख ११ हजार, कृषि, उत्पादन तथा वितरण, शीत भण्डार गृह, पर्यटन उद्योग, जलविद्युत्, सौर्य ऊर्जालगायतका परियोजना, केबलकार, सडक, विद्युत् प्रसारणलाइन, स्वास्थ्य र शिक्षा क्षेत्रमा ५९ करोड २० लाख एक हजार लगानी रहेको छ । नागरिक लगानी कोष र म्युचुअल फण्डमा ७० करोड ७२ लाख १८ हजार र अन्य संस्थापक सेयरमा एक अर्ब ९९ करोड ८७ लाख ४४ हजार रुपैयाँ लगानी रहेको छ भने सूचीकृत नभएका अन्य पब्लिक कम्पनीमा ९५ लाख ६० हजार र अन्य लगानीमा एक अर्ब ५० करोड ३७ लाख ९३ हजार रुपैयाँ रहेको छ ।
सबैभन्दा बढी मोटर बिमालेख
निर्जीवन बिमा कम्पनीले सबैभन्दा बढी मोटर बिमालेख र सबैभन्दा कम हवाई बिमालेख जारी गरेका छन् । माघसम्म कुल १७ लाख दुर्ई हजार नौ सय ८७ बिमालेख जारी भएकोमा सबैभन्दा बढी १० लाख चार हजार छ सय ६८ वटा मोटर बिमालेख र सबैभन्दा कम हवाई बिमा ७३ रहेको छ । सम्पत्ति बिमालेख दुई लाख ९५ हजार सात सय ३१, सामुद्रिक बिमालेख एक लाख ६९ हजार तीन सय ८१, मोटर इञ्जिनियरिङ तथा ठेक्का बिमालेख १३ हजार आठ सय ७०, विविध ९१ हजार तीन सय ६१, कृषि तथा बाली ८४ हजार ३० र लघुुबिमासम्बन्धी ४३ हजार आठ सय ७३ बिमालेख जारी भएका छन् । उक्त बिमालेखबाट कुल २२ अर्ब ४६ करोड बिमा शुल्क आर्जन भएको छ ।
सम्पत्ति बिमातर्फ पाँच अर्ब ५० करोड, सामुद्रिकतर्फ एक अर्ब १८ करोड, हवाईतर्फ एक अर्ब ४० करोड, मोटरतर्फ सात अर्ब २९ करोड, इञ्जिनियरिङतर्फ तीन अर्ब २० करोड, विविधतर्फ दुई अर्ब ६७ करोड, कृषि तथा बालीतर्फ एक अर्ब १० करोड र लघुतर्फ आठ करोड २३ लाख बिमा शुल्क संकलन भएको प्राधिकरणको तथ्यांक छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच