काठमाडौं । भारतको सबैभन्दा ठूलो आतिथ्य कम्पनी इण्डियन होटल्स कम्पनी लिमिटेड (आइएचसिएल)ले चितवनको भरतपुरमा भिभान्ता चितवन सञ्चालन गर्ने भएको छ । भिभान्ता चितवन नेपाली संस्कृति र विलासिताको संगमका रूपमा स्थापित हुने आइएचसिएलले जनाएको छ ।
भिभान्ता चितवनमा विस्तार भएको अवसरमा आइएचसिएल, न्यु बिजनेस एण्ड होटल्स ओपनिङ्सकी उपाध्यक्ष दीपिका रावले नेपालमा आइएचसिएलको तेस्रो होटलका रूपमा भिभान्ता चितवन विस्तार हुनु कम्पनीका लागि अर्को एक महत्वपूर्ण उपलब्धि रहेको बताउनुभयो । उहाँले भन्नुभयो, ‘देशको प्रमुख शहरी केन्द्रमध्येको एक भरतपुर चितवन राष्ट्रिय निकुञ्ज र लुम्बिनी जस्ता विश्व सम्पदाको प्रवेशद्वार हो । भिभान्ता चितवन आइएचसिएल र चौधरी गु्रपबीचको २५ वर्षदेखिको सुमधुर सम्बन्धको प्रमाण हो । यस अवधिमा आइएचसिएल र सिजीले पाँच देशका ११ होटलमा सहकार्य गरिरहेका छन् ।’
भिभान्ता चितवनले आफ्नो बेग्लै शैली र भावना प्रस्तुत गरेको छ । होटलमा अतिथिको सम्मानमा विशेष ध्यानपूर्वक निर्माण गरिएका ४५ रूम रहेका छन् भने प्रत्येक रूम सुन्दर ढंगले सुसज्जित छन् । भिभान्ताका सुइटमार्फत् पाहुनाले सुन्दर देवचुली र प्रकृतिकोे लोभलाग्दो दृश्यावलोकन गर्न सक्नेछन् । वेलनेस र मनोरञ्जनका लागि होटलमा अत्याधुनिक फिटनेस सेन्टरका साथै स्विमिङ पुल रहेको छ, जहाँबाट मनोरम सिराइचुली माउण्टेनको दृश्यावलोकन गर्न सकिन्छ । होटलमा २४ सय वर्ग फुटको सभाहलका साथै बिजनेस सेन्टरसमेत रहेको छ ।
नारायणी किनारस्थित भरतपुर नेपालको एक प्रमुख व्यावसायिक केन्द्रका रूपमा परिचित छ । सो अवसरमा सिजी हस्पिटालिटीका प्रबन्ध निर्देशक राहुल चौधरीले सिजीले विकास गरेको होटलमा ताजसँग सहकार्य गर्न पाउँदा खुसी लागेको बताउनुभयो । उहाँले भन्नुभयो, ‘भिभान्ता चितवन थपिएपछि पाहुनाहरूले चितवन राष्ट्रिय निकुञ्जमा ताज सफारी जंगल रिसोर्ट, काठमाडौं र भरतपुरमा भिभान्तामार्फत् आइएचसिएलको आतिथ्यताको अनुभव लिन सक्नुहुनेछ ।’ इण्डियन सब कन्टिनेन्ट र मिडल इस्टमा चौधरी गु्रप र आइएचसिएलबीचको सहकार्यमा माल्दिभ्समा ताज एक्सोटिका रिसोर्ट एण्ड स्पा र ताज कोरल रिफ रिसोर्ट एण्ड स्पा, श्रीलंकामा ताज कोलम्बो, दुबईमा ताज जुमेराह लेक टावर्स, भारतमा ताज सफारी र नेपालमा मेघौली सेराई सञ्चालनमा छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच