एजेन्सी । मिस युनिभर्स प्रतियोगितामा पहिलोपटक साउदी अरेबियाकी महिला मोडल सहभागी हुन लाग्नुभएको छ । साउदी अरबले औपचारिकरूपमा मिस युनिभर्स प्रतियोगितामा रुमी अलका हतानीलाई इस्लामिक देशको पहिलो प्रतिनिधिका रूपमा सामेल गराउने भएको हो ।
२७ वर्षीया रुमीले आफ्नो इन्स्टाग्राममा पोष्ट गर्दै अन्तर्राष्ट्रिय सौन्दर्य प्रतियोगितामा देशकै पहिलो सहभागी हुने बताउनुभएको हो । उहाँले आफ्नो पोष्टमा लेख्नुभएको छ, ‘साउदी अरेबिया पहिलोपटक मिस युनिभर्स प्रतियोगितामा भाग लिनेछ ।’
अरब न्युजको रिपोर्टका अनुसार रुमीले भन्नुभएको छ, ‘मेरो योगदान विश्व संस्कृतिका बारेमा जान्ने र हाम्रो साउदी संस्कृति र सम्पदालाई विश्वमा पु¥याउनु हो ।’ रियादमा जन्मिनुभएकी रुमी अहिले मिस युनिभर्स प्रतियोगिता २०२४ का लागि निकै उत्साहित हुनुहुन्छ ।
मिस युनिभर्स सौन्दर्य प्रतियोगिता पहिलोपटक सन् १९५२ मा भएको थियो । सौन्दर्य प्रतियोगितामा लेबनान, बहराइनजस्ता अरब देशका युवतीहरू सहभागी हुँदै आएका छन् । तर, साउदी अरेबियाबाट भने पहिलोपटक सहभागिता हुन लागेको हो । मिस युनिभर्स प्रतियोगितामा पौडी खेल्ने पहिरन लगाउन आवश्यक पर्दैन भने मिस युनिभर्समा परम्परागत पहिरन कार्यक्रम पनि हुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच