काठमाडौं । बाइकरहरूको ‘ट्रान्स हिमालय एड्भेन्चर’ र्याली सोमबार काठमाडौंबाट मुस्ताङतर्फ प्रस्थान गरेको छ । राष्ट्रिय खेलकुद परिषद् (राखेप) का सदस्य-सचिव टंकलाल घिसिङद्वारा शुभारम्भ गरिएको बाइकरहरूको र्याली सातदोबाटोस्थित खेलकुद परिसरबाट प्रस्थान गरेको हो । सो र्याली सोमबार पोखराको सराङकोट पुग्नेछ भने त्यसपछि कालापानी, लेते हुँदै मुक्तिनाथ पुग्नेछ । त्यसैगरी फर्किँदा जोमसोम, कुस्मा हुँदै पोखरा पुगेर समापन हुनेछ ।
पोखरामा आयोजना हुने ‘मोटो इन्डुरो च्याम्पियनसिप’ मा पुगेर बाइकरहरूको र्याली टुंगिनेछ । माउण्टेन स्पोर्ट्स फेस्टिभलअन्तर्गत दिगो पर्यटनका लागि टु हिृवल टुरिङलाई प्रवद्र्धन गर्ने उद्देश्यका साथ साहसिक खेलकुदका रूपमा समेत यसलाई लिइएको छ । सेफ्टी राइडिङको सन्देशसमेत फैलाउन सहयोग पुग्ने गरी उक्त राइडअन्तर्गत अन्य विभिन्न कार्यक्रम पनि आयोजना गरिने आयोजक नासा नेपालले जनाएको छ ।
जोमसोममा मोटोखाना रेसिङ, सेल्फी च्यालेञ्ज, सेफ राइडिङ र ट्यालेन्ट हन्टजस्ता विभिन्न कार्यक्रम पनि आयोजना गरिने नासा नेपालले जनाएको छ । राष्ट्रिय खेलकुद परिषद् र अन्तर्राष्ट्रिय मोटरसाइकल फेडरेसनको सहयोग तथा गण्डकी अटोमोबाइल्स एसोसिएसनको प्राविधिक सहयोगमा उक्त कार्यक्रम आयोजना गरिएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच