काठमाडौं । आयरल्याण्ड वुल्भ्ससँगको पहिलो एकदिवसीय खेलमा नेपाल ‘ए’ २१ रनले पराजित भएको छ । बुधबार कीर्तिपुरस्थित त्रिवि क्रिकेट मैदानमा सम्पन्न खेलमा वुल्भ्सले प्रस्तुत गरेको १५८ रनको लक्ष्य पछ्याउने क्रममा नेपाल २५.३ ओभरमा १३६ रनमै समेटियो ।
नेपालका लागि साहब आलमले बनाएको ३७ रन नै सर्वाधिक रहृयो । देव खनालले २६ र बसिर अहमदले २० रन थप्नुभयो । रिजन ढकाल १२ रनमा नटआउट रहनुभयो । अन्य अनुभवी ब्याटरले भने दोहोरो अंकको स्कोर जोड्न सकेनन् । नेपाललाई कम स्कोरमा रोक्न म्याथुले पाँच विकेट लिनुभयो । लियान म्याककार्तीले चार विकेट झार्नुभयो ।
त्यसअघि कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको आयरल्याण्ड ३८.३ ओभरमा १५७ रन बनाएर अलआउट भएको थियो । आयरल्याण्डलाई कम स्कोरमा रोक्न नेपालका लागि कमल ऐरीले हृयाट्रिकसहित चार विकेट लिनुभएको थियो । कमलले ३९औँ ओभरको पहिलो, दोस्रो र तेस्रो बलमा लगातार विकेट लिँदै हृयाट्रिक पूरा गर्नुभएको थियो ।
कमलले पहिलो बलमा लियाम म्याककार्तिलाई आउट गर्नुभयोे । दोस्रो बलमा क्याथु हकपफ्रेस र तेस्रो बलमा वेन हृवाइटलाई बोल्ड आउट गर्नुभएको थियो । उहाँले २९ ओभरको तेस्रो बलमा कप्तान निल रकलाई एलबिडब्लु धरापमा पार्नुभएको थियो । साहब आलम र मौसम ढकालले समान दुई विकेट लिनुभयो । रिजन ढकालको नाममा एक विकेट रहृयो ।
आयरल्याण्डका लागि केडे कारमाइकलले बनाएको ५१ रन नै सर्वाधिक रहृयो । कप्तान निलले ३९ रन थप्नुभयो । पेटर मुरले २१ रन बनाउनुभयो । ६ ब्याटरले दोहोरो अंकको स्कोर छुन सकेनन् । अब शृंखलाको दोस्रो खेल शुक्रबार र अन्तिम खेल आइतबार हुनेछ । यसअघि आयरल्याण्डसँग नै भएको तीन खेलको टी-२० सिरिज नेपालले २-१ ले गुमाएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच