इंग्ल्याण्ड । इंग्ल्याण्डका फास्ट बलर जोफ्रा आर्चरले सन् २०२४ मा कुनै पनि टेस्ट क्रिकेट खेल खेल्न नसक्ने हुनुभएको छ । हातको चोटका कारण सन् २०२३ को मार्चदेखि कुनै पनि फम्र्याटको क्रिकेट खेल्न नसक्नुभएका आर्चरलाई कम्तीमा पनि सन् २०२४ सम्म टेस्ट टिममा नराखिने इंग्ल्याण्ड क्रिकेट टिमका प्रबन्ध निर्देशक रब कीले बताउनुभएको छ ।
तर, यसै वर्षको जुनमा अमेरिका र वेस्ट इण्डिजमा आयोजना हुने आइसिसीक्रिकेट क्रिकेट विश्वकपमा आर्चरले खेल्न सक्ने सम्भावना बलियो रहेको रबले बताउनुभयो । टी-ट्वान्टी विश्वकप आगामी जुन १ तारिखबाट सुरु हुँदैछ । रबले जनाएअनुसार आर्चरले आगामी वर्ष भारत र अस्ट्रेलियाविरुद्धको टेस्ट सिरिज भने खेल्न सक्ने सम्भावना रहेको छ ।
सन् २०१९ मा इंग्ल्याण्डले एकदिवसीय क्रिकेट विश्वकप जित्दा फाइनलमा न्युजिल्याण्डविरुद्ध आर्चरले उत्कृष्ट बलिङ गर्नुभएको थियो । तर, घाइते भइरहेका कारण उहाँले खेल्ने खासै मौका पाउनुभएको छैन । उहाँले सन् २०२१ को फेबु्रअरीमा अन्तिम पटक टेस्ट क्रिकेट खेल्नुभएको हो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच