काठमाडौं । चाइना हाई टेक अफ रोड भेहिकल कम्पनी (सिएचटिसी मोटर्स) को नेपालस्थित आधिकारिक बिक्रेतामा मेगा बिजनेस ग्रुप नियुक्त भएको छ । अब मेगा बिजनेस ग्रुपले सिएचटिसी मोटर्सद्वारा निर्मित ११, १४ र अन्य सिट क्षमताका विद्युतीय भ्यान नेपाली बजारमा बिक्री गर्नेछ । व्यापारिक प्रयोजनका लागि प्रयोग गर्न सकिने भ्यान वातावरणमैत्री एवं प्राविधिक दृष्टिकोणले उत्कृष्ट रहेको कम्पनीको दाबी छ ।
छ वर्ष वा तीन लाख किलोमिटरको वारेन्टी, ४१.८६ किलोवाट क्षमताको ब्याट्री, दुई सय ८५ किलोमिटर रेञ्ज (एक पटकको फुल चार्जमा), लिथिएम आएन ब्याट्री प्याक, २०५ एमएम ग्राउण्ड क्लियरेन्स, सुविधाजनक कम्पनी जडित लेदर सिट र लेग स्पेस आदि गाडीका विशेषता रहेका छन् । जसमा तीन सय ६० डिग्रीको दृश्य देखिने क्यामेरा पनि जडित छ भने ११ सिट क्षमताको भ्यानमा बुट स्पेससमेत उपलब्ध छ ।
कम्पनीका अनुसार चीन सरकारद्वारा सञ्चालित सिएचटिसी मोटर्स विश्वको पाँच सय सर्वोत्कृष्ट कम्पनीमध्येको सिनोमाच ग्रुपको एक इकाई हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच