काठमाडौं । कुमारी बैंकले नयाँ वर्ष २०८१ को उपलक्ष्यमा विशेष क्यासब्याक अफर घोषणा गरेको छ । अफरअन्तर्गत पिओएस भुक्तानी र अनलाइन कारोबारका लागि कुमारी बैंकको डेबिट वा क्रेडिट कार्ड प्रयोग गर्ने ग्राहकले २०८१ रुपैयाँ वा कारोबार रकमको २५ प्रतिशत जुन रकम न्यून हुन्छ, उक्त रकम फिर्ता पाउनेछन् ।
साथै क्युआर भुक्तानीमार्फत् कारोबार गर्ने मोबाइल बैंकिङ प्रयोगकर्ताले पनि क्यासब्याक अफरको फाइदा लिन सक्नेछन् । योजना वैशाख १ गते बिहान आठ बजेदेखि राती ११ बजेर ५९ मिनेटसम्म लागू हुने बैंकले जनाएको छ । तोकिएको समयावधिभित्र कारोबार गर्ने पहिलोे ४० जना कार्ड प्रयोगकर्ता र पहिलो ४० मोबाइल बैंकिङ प्रयोगकर्ताले क्यासब्याक प्राप्त गर्न सक्नेछन् ।
कुमारी बैंकका प्रमुख कार्यकारी अधिकृत रामचन्द्र खनालले भन्नुभयो, ‘नयाँ वर्षको शुभारम्भमा हामी हाम्रा ग्राहकलाई यो विशेष क्यासब्याक अफर प्रदान गरेर नयाँ वर्षको शुभकामना व्यक्त गर्न चाहन्छौँ । यसले ग्राहकमा डिजिटल भुक्तानी प्रणालीमा आबद्ध हुन प्रोत्साहन गर्नेछ ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच