जुम्ला । जुम्लाको तिला गाउँपालिकालाई पूर्ण खोप सुनिश्चितता घोषणा गरिएको छ । तिला पूर्ण खोप सुनिश्चितता घोषणा भएको जिल्लाकै पहिलो पालिका बनेको छ। जिल्लामा एक नगरपालिका सहित सात गाउँपालिका छन् । स्थानीय स्रोतको उपयोग, स्वामित्व र सहभागिता पूर्ण खोप सुनिश्चितता, हाम्रो प्रतिबद्धता’ भन्ने मूल नाराका साथ तिला गाउँपालिका पूर्ण खोप सुनिश्चितता गाउँपालिका घोषित गरिएको गाउँपालिका अध्यक्ष मोतिलाल रोकायाले जानकारी दिनुभयो ।
हरेक आर्थिक वर्ष खोप उमेर समुहका बालबालिकाले पुर्ण खोप लगाए नलगाएको अनिवार्य सुनिश्चितता गर्नुपर्ने कार्यक्रम रहेको छ। जन्मेदेखि १५ महिना उमेर समुहका ३९० जना र १६ देखि ५ वर्षका ९२७ जना बालबालिकाले पुर्ण खोप लगाएपछि पालिकालाई बिहीबार खोप सुनिश्चितता घोषणा गरिएको तिला गाउँपालिका खोप फोकल प्रसन उत्तम देवकोटाले जानकारी दिनुभयो ।
गाउँपालिकाको स्वास्थ्य शाखाको समन्वयमा सबै स्वास्थ्य संस्थाले नौवटै वडाका बस्तीमा बालबालिकालाई खोप लगाउने कार्य पूरा भएपछि पालिकालाई पूर्ण खोप सुनिश्चित गाउँपालिका घोषित गरिएको स्वास्थ्य शाखाका प्रमुख हर्क रावतको भनाइ छ। तिलाका ९ वटै वडा कार्यालयलाई पूर्ण खोप सुनिश्चित भएको प्रमाणपत्र हस्तान्तरण गरिएको पालिकाको स्वास्थ्य शाखाले जनाएको छ । गाउँपालिका स्वास्थ्य शाखाको आयोजनामा सञ्चालन भएको पूर्ण खोप सुनिश्चितता कार्यक्रममा जिल्ला समन्वय समिति जुम्लाका सदस्य नरविर सुनार, गाउँपालिकाका अध्यक्ष रोकाया, वडाध्यक्ष, स्वास्थ्य चौकीका प्रमुख र पत्रकारलगायतको सहभागी थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच