काठमाडौं । चलचित्र ‘घरज्वाइँ’को फष्टलुक पोष्टर सार्वजनिक गरिएको छ । अभिनेता दयाहाङ राई र अभिनेत्री मिरुना मगर अभिनित चलचित्र ‘घरज्वाइँ’को फष्टलुक पोष्टर सार्वजनिक गरिएको हो । निर्माण युनिटले चलचित्रको फरक-फरक दुई पोष्टर फष्टलुक्सको रूपमा सार्वजनिक गरेको छ ।
सार्वजनिक फष्टलुक्स मध्ये एक पोष्टरमा दयाहाङ र मिरुनालाई बोराको भारी बोकिरहेको देख्न सकिन्छ । अर्को पोष्टरमा चलचित्रका प्रायः कलाकारले स्थान पाएका छन् ।
मगर संस्कृतिमा आधारित अनिल बुढामगरको निर्देशनमा जनक घर्ती मगरले निर्माण गरेको यो चलचित्र पूर्वी रुकुम आसपासमा छायांकन भएको हो । चलचित्रको कथा निर्देशक अनिल आफैंले लेख्नुभएको हो । पटकथा, संवाद लेखनमा भने उहाँलाई विनोद खतिवडा र सुभाष कोइरालाले साथ दिनुभएको छ ।
जिएम मुभिजको ब्यानरमा निर्माण भएको चलचित्र सुसन प्रजापतिले खिच्नुभएको हो । चलचित्रका गीतमा हर्क साउद र मनोज थापाको शब्द, संगीत छ । कृष्ण भण्डारीले सम्पादन रहने चलचित्र एमएसएम अष्ट्रेलियाले अन्तर्राष्ट्रिय प्रदर्शन अधिकार लिइसकेको छ ।
असार २८ गतेदेखि सिनेमाघरमा आउने तयारीमा रहेको यो चलचित्रमा दयाहाङ र मिरुनासँगै बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुन (खबपु), राज थापा, कविता आले, शिला आले, अनु थापा, बिना थापामगर, सोनाम लामा, विवेश बुढामगर, सुनिल मगरलगायतको अभिनय छ । चलचित्रको अन्तर्राष्ट्रिय प्रदर्शन अधिकार एमएसएम इन्टरटेनमेन्टले खरिद गरेको छ भने नेपालमा आरआर फिल्मस्ले वितरण गर्दैछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच