काठमाडौं । कान्तिपुर मिडिया ग्रुपका अध्यक्ष कैलाश सिरोहियालाई पक्राउ गरेपछि सञ्चारमाध्यमहरूले सामूहिक विरोध जनाएका छन् । स्वतन्त्र प्रेसमाथि आक्रमण हुँदा यसरी विरोध जनाउने विश्वव्यापी प्रचलन हो ।
आज प्रकशित भएका सबैजसो दैनिक पत्रिकाले विशेष सम्पादकीयको स्थानमा कालो पोतेर ‘तथ्य डग्दैन, कलम झुक्दैन’ शीर्षकको एक लाइनको सम्पादकीय लेखेका छन् ।
हिमालय टाइम्स, कान्तिपुर, अन्नपूर्ण, मध्यान्ह, प्रभाव, राजधानी दैनिक लगायतका पत्रपत्रिकाले विशेष घटनाका बेला सम्पादकीय र विशेष सम्पादकीय लेख्ने स्थानमा प्रेस ऐक्यबद्धता जनाएका छन् । हिमालय टाइम्स दैनिकले पहिलो पृष्ठमा 'कान्तिपुरमा अध्यक्ष सिरोहिया कार्यकक्षबाटै पक्राउ: लोकतन्त्र अधिनायकवादमा परिणत भएको प्रतिक्रिया' शीर्षकमा समाचार छापेको छ ।
त्यस्तै समाचारपत्र, आर्थिक दैनिक, द हिमालय टाइम्स पनि सामूहिक विरोधमा सहभागी भएका छन् । यो विरोधमा नयाँ पत्रिका, नागरिक र कारोबार दैनिक सहभागी भएका छैनन् । यस्तै कान्तिपुर मिडिया ग्रुप अन्तर्गत नै सञ्चालनमा रहेको द काठमाण्डू पोष्ट पनि सामूहिक विरोधमा सहभागी छैन् । अन्य पत्रिकाहरूले प्राथामिकताका साथ सामूहिक विरोध जनाइरहँदा काठमाण्डू पोष्टले भने ऐक्यबद्धता जनाएको छैन् ।
सिरोहिया पक्राउपछि मिडिया सञ्चालकहरूको संस्था नेपाल मिडिया सोसाइटी र मिडिया अलाइन्सले सामूहिक बिरोध जनाउने निर्णय गरेको थियो ।
यस्तै सिरोहिया पक्राउ परेपछि यसको चौतर्फी विरोध भएको छ । विभिन्न दलका नेता तथा सञ्चार सम्बद्ध संघसंस्थाहरूले विरोध गरेका छन् । मिडियाको कार्यकक्षमा प्रहरीको प्रवेश उचित नभएको तर्क सञ्चार सम्बद्ध संघसंस्था छ। यसोत विश्व भरी नै मिडिया हाउसमा प्रहरीको प्रवेशलाई उचित मानिँदैन । प्रेस स्वतन्त्रताको सम्मान गर्ने राज्यले यस्तो कार्य गर्न नहुने विज्ञहरूको भनाइ छ ।
धनुषा जिल्ला अदालतबाट पक्राउ पुर्जी जारी भएपछि मंगलबार साँझ थापाथलीस्थित कान्तिपुर कार्यालयको कार्यकक्षबाट सिरोहियालाई प्रहरीले पक्राउ गरेको थियाे । काठमाडौं उपत्यका अपराध अनुसन्धान कार्यालयका एसपी रवीन्द्र रेग्मीको टोली कान्तिपुर कार्यालय पुगेको थियो । केही समयपछि कार्यालयकै प्रमुख एसएसपी सानुराम भट्टराई पनि कान्तिपुर पुग्नुभएको थियो ।
प्रहरीले सिरोहियालाई पक्राउ गरेपछि कान्तिपुर परिसरमा गृहमन्त्री रवि लामिछानेविरूद्ध नाराबाजी पनि भएको थियो । सिरोहियाको नागरिकता नम्बर र अर्का एक व्यक्तिको नागरिकता नम्बर एउटै रहेको भन्दै जाहेरी परेको थियो ।
नागरिकतासम्बन्धी कसुरमा अनुसन्धानका लागि सिरोहियालाई पक्राउ गर्न जिल्ला अदालत, धनुषाले मंगलबार अनुमति दिएको थियो । सिरोहियावि?द्ध सर्लाहीका इन्द्रजित महतोले जिल्ला प्रहरी कार्यालय, धनुषामा १६ वैशाख २०८१ मा किटानी जाहेरी दिनुभएको थियो । जाहेरीमा सिरोहियाले फरक–फरक नम्बरका नागरिकताहरू प्रयोग गरिरहेको भन्दै नागरिकता ऐन, २०६३ अनुसारको कसुरमा छानविन गर्न माग गरिएको थियो । उहाँलाई जिल्ला अदालत, धनुषामा उपस्थित गराइनेछ ।
यो पनि पढ्नुहोस्
कान्तिपुरका अध्यक्ष सिरोहिया कार्यकक्षबाटै पक्राउ
एउटा प्रतिष्ठित ब्यक्ति कुनै किर्तेमा पक्राउ पर्छ
ऊ राजनीतिक दलको मान्छे हुन्छ
ऊ कुनै युनियनको मान्छे हुन्छ
अनि उसलाई पक्राउ गरेकोमा युनियनको मान्छे ले बिरोध गर्छ
प्रेस जस्तो स्वतन्त्र निस्पक्ष अंग एउटा पब्लिकेशनको अध्यक्ष
पक्राउ पर्दा पुरै जसो समाचार पत्रिका बिरोधमा आहा देशको चौथो अङ्ग
मानौकि यस देशमा कुनै अलि नाम चलेको क्षेत्रको अलि ठूलाठालु
कुनै विषयमा पक्राउ पर्नु हुन्न यो देशमा सानाला ऐन ठूलालाई चैन त्यसै भनेका हैन