काठमाडौं । डेलिभरी नेटवर्क पठाओ पार्सलले एक महिनासम्म नेपालभर एक रुपैयाँमै सामान डेलिभरी गर्ने भएको छ । ‘पठाओ पार्सल डेलिभरी महोत्सव’ अन्तर्गत आगामी असोज १४ सम्म उक्त सेवा प्रदान गरिने जनाएको छ ।
काठमाडौं उपत्यकाका साना-ठूला सबै व्यवसायलाई नेपालभर पुर्याउने उद्देश्यले एकमहिने ‘पठाओ पार्सल डेलिभरी महोत्सव’ सुरु गरिएको पठाओ नेपालका मार्केटिङ डाइरेक्टर सुरक्षा हमालले बताउनुभएको छ ।
पठाओले हाल नेपालका तीन सयभन्दा बढी स्थानमा पार्सल डेलिभरी सेवा दिँदै आएको छ । हमालका अनुसार काठमाडौंका असन, न्युरोड, कालिमाटी, वनस्थली, कुलेश्वर र चाबहिलमा ‘हृयुमन बिल्बोर्ड’ डुलाएर कपडा, फेशन, कस्मेटिक, एक्सेसरिज, ग्याजेटलगायत व्यवसाय तथा ग्राहकलाई महोत्सवबारे जानकारी गराइएको छ ।
पठाओ पार्सलबाट काठमाडौं उपत्यकामा २४ घण्टाभित्र, उपत्यकाबाहिरका मुख्य शहरमा दोस्रो दिन र अन्य स्थानमा तीन दिनभित्र सामान डेलिभरी भइसक्ने पठाओले जनाएको छ । २०२३ डिसेम्बरदेखि सेवा सुरु गरेको पठाओ पार्सलले एक वर्ष नपुग्दै हजारभन्दा बढी व्यवसायलाई डेलिभरी सेवा प्रदान गरिसकेको र मासिक ९० हजारभन्दा बढी डेलिभरी गर्ने गरेको जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच