माटोको ढिस्कोले पुरिएर हुम्लामा रोजगार शाखाका प्राविधिकसहित दुई जनाको मृत्यु

दाने बोहरा हुम्ला, संवाददाता

१६ आश्विन २०८१, बुधबार १२:२१

Read Time = 2 mins

डिजिटल संस्करण

कर्णाली प्रदेश

प्रदेश समाचार

A A- A+

हुम्ला । हुम्लाको दक्षिण भेगमा रहेको ताँजकोट गाउँपालिका–३ राम गाउँमा माटोको ढिस्कोमा परी दुई जनाको मृत्यु भएको छ ।

बुधबार विहान दशैँका लागि घर सजावट गर्न माटो खन्नेक्रममा सोही ढिस्कोमा परी गाउँपालिका रोजगार शाखाका प्राविधिकसहित दुई जनाको मृत्युभएको ताँजकोट गाउँपालिका स्वास्थ्य शाखाका प्रमुख धनराज ढकालले बताउनुभयो ।

गाउँपालिका रोजगार शाखा सहसंयोजक रहेका प्राविधिक रामगाउँका धुब्र शाही र सोही गाउँका २४ वर्षिय मनसरा मल्लको मृत्युभएको संयोजक ढकालले बताउनुभयो । सँगै माटो लिन गएका रामगाउँका २६ वर्षिय लालबहादुर शाही घाइते भएको जिल्ला प्रहरी कार्यालय हुम्लाले जानकारी दिएको छ ।
दशँैको लागि घर लिप्ने सेतो कमेरो माटो खन्ने क्रममा माटोको ढिस्कोमा पुरिएर दुई जनाको मृत्युभएको हो । राम गाउँकोको औल स्थित सियाणी खोलामा भएको कमेरो माटोको खानीमा बुधबार विहान कमेरो माटो लिन गएको समयमा ढिस्कोमा पुरिएर मृत्युभएको हो ।
धेरै वर्षदेखि चाडबाडका अवसरमा कमेरो निकाल्दा ठूलो ओढार परेको ठाउँमा भित्र गएका बेला माथिबाटको ढिस्को पुरिँदा शाही र मल्लको घटना स्थलमै ज्यान गएको ताँजकोट गाउँपालिकाले जनाएको छ । कमेरोको ओढारबाट भाग्ने क्रममा लालबहादुर शाही छोपिँदा उनी घाइते भएका छन् । उनको तल्लो शरिरमा चोट लागेको बताइएको छ ।

सरोकार

मृत्यु

यो खबर पढेर तपाईलाई कस्तो महसुस भयो ?