इन्टर पुनः दोस्रो स्थानमा फर्कियो

हिमालय टाइम्स

३० माघ २०८१, बुधबार ०३:४३

Read Time = 2 mins

सिफारिस

न्युजिल्याण्डको लगातार दोस्रो जित

प्रिन्ट संस्करण

खेलकुद

फुटबल

A A- A+

रोम । इन्टर मिलान पुनः सिरी ‘ए’को अंक तालिकाको दोस्रो स्थानमा फर्किएको छ । सोमबार राती फियोरेन्टिनालाई २-१ ले पराजित गर्दै इन्टर पुरानै स्थानमा फर्किएको हो । जितसँगै इन्टरले लिगको शीर्ष स्थानमा रहेको नेपोलीसँग एक अंकको दूरी कायम गरेको छ । २४ खेलबाट नेपोलीले ५५ अंक पुर्‍याएको छ भने इन्टरको ५४ अंक छ । हारपछि फियोरेन्टिना सिरी ‘ए’ तालिकामा छैटौं स्थानमा नै रहेको छ ।

इन्टरको जितमा मार्को अर्नाउटोभिचको पहिलो लिग गोल महत्वपूर्ण रहृयो । दोस्रो हाफको सातौं मिनेटमा अर्नाउटोभिचले हेडरमार्फत् निर्णायक गोल गर्नुभयो । इन्टरले पहिलो हाफमै अग्रता लिएको थियो । लाउटारो मार्टिनेजको उत्कृष्ट हेडर मारिन पोंग्राचिचको डिफ्लेक्सनका कारण गोलमा परिणत भएको थियो, जसलाई आत्मघाती गोल मानिएको छ । फियोरेन्टिनाले पहिलो हाफको अन्त्यमा भिडियो रेफ्रीको मद्दतले बराबरी गोल गरेको थियो ।

रोलेन्डो मन्द्रागोराले सजिलै गोल गर्दै फियोरेन्टिनालाई बराबरीमा ल्याउनुभयो । तर, दोस्रो हाफमा अर्नाउटोभिचको हेडर फियोरेन्टिनाका लागि घातक साबित भयो । एजेन्सी ।

फुटबल

खेलकुद

यो खबर पढेर तपाईलाई कस्तो महसुस भयो ?