काठमाडौं । प्रसिद्ध निबन्धकार शंकर लामिछानेको ९८औँ जन्मजयन्ती तथा पुरस्कार/सम्मान कार्यक्रम प्रतिष्ठानका अध्यक्ष राधेश्याम लेकालीको सभापतित्वम सम्पन्न भएको छ । काठमाडौंमा एक कार्यक्रमबीच सम्पन्न कार्यक्रममा प्रतिष्ठानद्वारा प्रकाशित ‘शंकर सन्दर्भ’ ग्रन्थको लोकार्पण गरिएको छ ।
प्रमुख अतिथि नेपाल ललितकला प्रज्ञा-प्रतिष्ठानका कुलपति केके कर्माचार्यले निबन्धकार विजय चालिसेलाई ‘शंकर लामिछाने पुरस्कार’ प्रदान गर्नुभयो । सो पुरस्कारअन्तर्गत नगद ५० हजार रुपैयाँ रहेको छ । चालिसेलाई दोसल्ला र ढाका टोपीसहित सम्मानपत्र अर्पण गरिएको थियो ।
यसैगरी निबन्धकार पवन आलोकलाई ‘शंकर लामिछाने सम्मान’ प्रदान गरिएको थियो । आलोकलाई २५ हजार नगद रुपैयाँ सहित दोसल्ला, प्रमाणपत्र र ढाका टोपी लगाई सम्मान अर्पण गरिएको थियो ।
कार्यक्रममा लोकार्पित ‘शंकर सन्दर्भ’ पुस्तकका सम्पादक पारसप्रकाश नेपाललाई पनि सम्मान गरिएको थियो । प्रमुख अतिथि केके कर्माचार्यले योग्य व्यक्तिलाई योग्य पुरस्कार प्रदान गरिएकोमा खुसी प्रकट गर्नुभयो । कार्यक्रममा पुरस्कृत एवम् सम्मानित स्रष्टाहरूका योगदानबारे समालोचक प्रमोद प्रधानले चर्चा गर्नुभएको थियो ।
कार्यक्रमको सुरुआतमा अध्यक्ष लेकालीले संस्थाको परिचय र पुरस्कार सम्मान प्राप्त गर्नुहुने लगायत उपस्थित सभालाई स्वागत गर्नुभएको थियो । कार्यक्रममा पुरस्कार÷सम्मान प्राप्त स्रष्टाहरूले पनि आफ्ना धारणा राख्नुभएको थियो । कार्यक्रममा प्रतिष्ठानका संरक्षक सविता ढुंगानाले संस्थाका गतिविधिमा प्रकाश पार्नुभएको थियो ।
दयारामभक्त माथेमाको सम्झनामा स्थापित दया फाउन्डेसनका किपा माथेमाले सभालाई सम्बोधन गर्नुभयो । यसैगरी, आख्यानकार पद्मावती सिंहले उपस्थित सभालाई धन्यवाद व्यक्त गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच