-कृष्ण बिष्ट
बैतडी । जिल्ला समुन्वय समिति बैतडीको निर्वाचनमा गठबन्धनका उम्मेदवार विजयी भएका छन् । मंगलबार सम्पन्न निर्वाचनमा प्रमुखमा गठबन्धनबाट कांग्रेसका खगेन्द्र सिंह धामी विजयी हुनुभएको हो । उप्रमुखमा पनि गठबन्धनबाटै माओवादी केन्द्रका दमन कुवँर वियजी हुनुभएको छ ।
प्रमुखमा धामीले १२ मत प्राप्त गर्नुभयो । उहाँका निकटतम प्रतिद्धन्द्धी एमालेका मोहनबहादुर थापाले आठ मत प्राप्त गर्नुभयो । उपप्रमुखमा माओवादी केन्द्रका दमन बहादुर कुवँरले १० मत प्राप्त गर्नुभयो भने प्रतिद्धन्द्धी एमालेका हेमा भट्टले १० मत प्राप्त गर्नुभयो । उपप्रमुखमा दुई मत बदर खसे ।
जिल्ला समन्वय समिति बैतडीको नेतृत्वका लागि नेपाली कांग्रेस, माओवादी केन्द्र र स्वतन्त्रबीच गठबन्धन भएको हो भने एमालेले एक्लै चुनाव लडेको हो ।
समन्वय समितिका सदस्यहरुमा पनि गठबन्धनकै उम्मेदवार विजयी भएका छन् । तीन खुला सदस्यमा नेपाली कांग्रेसका करनसिंह कठायत र दानबहादुर बिष्ट तथा माओवादी केन्द्रका प्रेमसिंह भाट विजयी हुनुभएको छ ।
यस्तै तीन महिला सदस्यमा नेपाली कांग्रेसका यशोदा चन्द, हरु नेपाली र माओवादी केन्द्रका निर्मला भट्ट विजयी हुनुभएको छ । यस्तै एकजना दलित सदस्यमा गठबन्धनका तर्फबाट स्वतन्त्रका हरना सार्की विजयी हुनुभएको छ ।
नवनिर्वाचित जिल्ला समन्वय समिति प्रमुख खगेन्द्र सिंह धामीलाई आजै बिहान ११ बजे पद तथा गोपनियता शपथ ग्रहण गराउने कार्यक्रम रहेको मुख्य निर्वाचन अधिकृत तिलकबहादुर कार्कीले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच