काठमाडौं । आयोजक नेक्सस क्रिकेट एकेडेमी यु-१६ नेक्सस कप टी-२० क्रिकेट सिजन-५ मा सोमबार फाइनलमा प्रवेश गरेको छ । बागमती प्रदेश खेलकुद विकास परिषद्को सहकार्यमा भइरहेको प्रतियोगिताको सेमिफाइनलमा नेक्ससले ग्रेट हिमालय क्रिकेट एकेडेमी (जिएचसिए), ललितपुरलाई २८ रनले पराजित गर्यो ।
जिएचसिएले टस जित्दै फिल्डिङ गर्ने निर्णय गरेको थियो । मूलपानी क्रिकेट मैदानमा नेक्ससले पूरै २० ओभर खेल्दै अलआउट हुनुअघि ११० रन बनायो । नेक्ससका उत्तम थापामगरले एक चौका र दुई छक्काको मद्दतमा ४५ बलमा ४४ तथा रोहन साहले दुई छक्काको सहयोगमा ४७ बलमा ३३ स्कोर गर्नुभयो । जिएचसिएका अजय यादव र रूपेश यादवले दुई-दुई विकेट लिनुभयो ।
जिएचसिए १८.२ ओभरमा ८२ रनमा अलआउट भयो । जिएचसिएका लक्की कठायतले १७ रन बनाउनुभयो । ‘म्यान अफ द म्याच’ नेक्ससका रोहन साहले तीन विकेट हात पार्नुभयो ।
उपाधिका लागि नेक्ससले अपन राधेमाई युवा क्लबसँग खेल्नेछ । आइतबार भएको सेमिफाइनलमा राधेमाईले कैलालीको घोडाघोडी क्रिकेट एकेडेमीमाथि ९० रनको सहज जित दर्ता गर्दै फाइनल पुगेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच