काठमाडौं । मिलन चाम्सको निर्देशनमा तयार भैरहेको फिल्म ‘बर एन्ड बधू’को प्रदर्शन मिति तय गरिएको छ । रोमानियामा फिल्मको छायांकन सकेर नेपाल आएलगतै यसको निर्माण टिमले फिल्मको प्रदर्शन मिति तय गरेको हो ।
निर्देशक चाम्सले दिएको जानकारीअनुसार, लभ स्टोरी र कमेडी जनरामा तयार भएको यो फिल्म आउँदो १९ फाल्गुनबाट रिलिज हुनेछ । वितरकसँग सल्लाह गरेर फाल्गुनलाई प्रदर्शन मिति तय गरिएको चाम्सले बताए ।
यो फिल्ममा नायिका आँचल शर्मा र नव-नायक विवेक कर्माचार्यको मुख्य भूमिका छ । रोमानियामा छायांकनका केही तस्बिरसमेत निर्माणपक्षले सार्वजनिक गरेको थियो, जसमा आँचल र विवेक रोमान्टिक देखिएका छन् ।
एलआरके इन्टरटेन्मेन्टको ब्यानरमा यो फिल्म तयार भएको हो । फिल्मका कार्यकारी निर्माता डाक्टर अमित रिजाल हुन् । फिल्ममा जानुका थापाको लगानी छ ।
भदौ र असोजपछि नेपाली फिल्मका निर्माताको आँखा फाल्गुन महिनामा बढी देखिएको छ । मंसिरको निर्वाचन र त्यसलगतै आउने विश्वकप फुटबलका कारण पनि धेरै निर्माता फागुन र चैतलाई टार्गेट गरिरहेका छन् ।
रोमान्टिक फिल्ममा मिलन चाम्सले आफ्नो छुट्टै छाप छाडिसकेकाले पनि यो फिल्म दर्शकका लागि प्रतिक्षामा रहने निश्चित छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच