चोलेन्द्र शमशेर जबरासँगको दोस्रो दिनको बयान सकियो

हिमालय टाइम्स

Thursday September 1, 2022

Read Time = 1 min

समाचार

A A- A+

काठमाडौं । निलम्बित प्रधानन्यायाधीश चोलेन्द्र शमशेर जबराको दोस्रो दिनको बयान सकिएको छ । उहाँलाई आज ११ बजे महाअभियोग सिफारिस समिति बैठकले बयानका लागि सिंहदरवारमा बोलाएको थियो ।

समितिका सदस्यहरुले आज उहाँलाई दुईवटा प्रश्न सोधेका थिए । योसहित ४३ मध्ये ६ वटा प्रश्न सोधिएको छ । समितिले १९ भदौ बिहान ११ बजे उहाँलाई बयानका लागि बोलाएको छ ।

बुधबारबाट उहाँको बयान सुरु गरिएको हो । गत १ फागुनमा सत्तारुढ दलका सांसदहरुले जबराविरुद्ध महाअभियोगको प्रस्ताव प्रतिनिधिसभामा दर्ता गरेका थिए । प्रतिनिधिसभाले गठन गरेको महाअभियोग सिफारिस समितिले उहाँको बयान लिन थालेको हो ।

बयानका क्रममा उहाँले महाअभियोग प्रस्ताव नै निस्क्रिय भइसकेको भन्दै न्यायाधीश, बार पदाधिकारी र राजनीतिक दलका नेतामाथि गम्भीर आरोप लगाउनुभएकाे थियाे ।

यो खबर पढेर तपाईलाई कस्तो महसुस भयो ?