काठमाडौं । घुस तथा रिसवत लिई भ्रष्टाचार गरेको तीनवटा मुद्दामा विशेष अदालतले सफाइ दिएपछि अख्तियार दुरुपयोग अनुसन्धान आयोगले सो फैसला चित्त नबुझेको भन्दै सर्वोच्च अदालतमा पुनरावेदन गरेको छ । आयोगले मंसिर १९ गते सर्वोच्चमा पुनरावेदन गरिएको सहायक प्रवक्ता देवीप्रसाद थपलियाले जानकारी दिनुभएको हो ।
विशेष अदालतले घुस तथा रिसवत लिई भ्रष्टाचार गरेको आरोपमा हुकुमबहादुर ओलीविरुद्ध ९६ हजार ३०० रुपैयाँ बिगो कायम गरी सजाय माग गर्दै विशेष अदालतमा मुद्दा दायर गरेको थियो । तर, अदालतले प्रतिवादीलाई सफाइ दिएको आयोगले जनाएको छ । आयोगले प्रतिवादी र निवेदकबीच भएको अडियो कुराकानीसहित घुस रकम रंगेहात बरामदसमेत गरेको जानकारी दिएको छ ।
त्यस्तै, विशेष अदालतले सफाइ दिएको शिवशंकर महतोको मुद्दामा पनि आयोगले पुनरावेदन गरेको छ । महतोविरुद्ध १० हजार बिगो कायम गरी आयोगले मुद्दा दायर गरेको थियो । यस्तै, हरिचन्दर ठाकुर र अरुणकुमार यादव विरुद्धको मुद्दामा पनि आयोगले पुनरावेदन गरेको आयोगले जानकारी दिएको छ ।
उनीहरूमाथि १५ हजार बिगो दाबीसहित मुद्दा दायर गरिएको थियो । दुवै प्रतिवादीलाई विशेष अदालतले सफाइ दिएको थियो । सबै मुद्दामा प्रतिवादीविरुद्ध पर्याप्त प्रमाण हुँदाहुँदै पनि विशेष अदालतले सफाइ दिएको आयोगको जिकिर छ । आरोपीहरूविरुद्ध पर्याप्त प्रमाण हुँदाहुँदै पनि विशेष अदालतले सफाई दिएको दाबी आयोगले गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच