खोटाङ । खोटाङको दिक्तेल रुपाकोट मझुवागढी नगरपालिकाले चिल्ड्रेनपार्कको भासिएको संरचना पुनःनिर्माणका लागि ठेकेदारलाई अन्तिम पटक अल्टिमेटम दिएको छ ।
दिक्तेल रुपाकोट मझुवागढी नगरपालिका-१ दिक्तेलबजारको रत्नपार्कमा बनाइएको चिल्ड्रेनपार्कको भासिएको पर्खाल, मैदानलगायतका संरचना पुःननिर्माणका लागि निर्माण कम्पनी उमा-लामा-अन्सुवी जेभी, काठमाडौंलाई अन्तिमपल्ट सातदिने अल्टिमेटम दिएको हो ।
दिक्तेलको रत्नपार्कमा चार करोडभन्दा बढीको लगानीमा सपिङ कम्प्लेक्स तथा चिल्ड्रेनपार्क निर्माण गरिएको थियो तर,उद्घाटन गरिएको चार महिना नवित्दै २०७९ असारमा चिल्ड्रेनपार्कको संरचना भासिएको थियो । निर्माण कम्पनीले चिल्ड्रेनपार्कको भासिएको मैदान, चर्किएको पर्खाल, स्वीमिङ पुललगायतका संरचना टालटुल गरेर मर्मत गरे पनि पुःननिर्माणका लागि पत्राचार गरिएको दिक्तेल रुपाकोट मझुवागढी नगरपालिकाका मेयर तीर्थराज भट्टराईले बताउनुभयो ।
सपिङ कम्प्लेक्स तथा चिल्ड्रेनपार्कको कमजोरी सच्याउने अवधि सच्याउन २०७९ कात्तिक २३ गते पत्राचार गरेपनि भने अनुसार काम नभएको भन्दै नगरपालिकाले पुःन पत्र प्राप्त भएको मितिले हप्ता दिनभित्र पुःननिर्माण गर्न चैत १४ गते पत्राचार गरेको छ ।
पत्र अनुसार चिल्ड्रेनपार्कको संरचना पुःननिर्माण नगरे ठेकेदार कम्पनीको धरौटीबापत राखेको रकमबाट कट्टा हुनेगरी त्रुटी सच्याउने कार्य अघि बढाइने मेयर भट्टराई बताउँनुहुन्छ । “चिल्ड्रेनपार्कको भासिएका र चर्किएका संरचनाहरु टाल्ने काम भयो । मर्मत भयो तर पुःननिर्माण भएन,” भट्टराईले भन्नुभयो, “हामीले पर्खाल भत्काएर जगबाटै नयाँ संरचना बनाउनुपर्छ भनेका हौँ । जगबाटै नयाँ पर्खाल हालिएन भने वर्षामा सबै संरचना भत्केर जाने खतरा छ ।”
संस्कृति, पर्यटन तथा नागरिक उड्यन मन्त्रालय र नगरपालिकासँगको साझेदारीमा चार करोड ३७ लाख ८४ हजार ७५१ रुपैयाँको लागतमा निर्माण गरिएको सपिङ कम्प्लेक्स र चिल्ड्रेनपार्कको मैदान सामान्य वर्षाकै कारण भासिनुका साथै चर्किएको थियो । सपिङ कम्प्लेक्स र चिल्ड्रेनपार्क २०७८ फागुन ३ गते उद्घाटन गरिएको थियो । व्यवसायीक प्रयोजनका लागि निर्माण गरिएको सपिङ कम्प्लेक्सको तल्लो तलामा १४ वटा सटर र माथिल्लो तलामा रेष्टुरेण्ट हल, विभिन्न स्टल सञ्चालन गर्न मिल्ने संरचना बनाइएको छ । तल्लो तलाका सटरहरु भाडा लगाईएको छ ।
सपिङ कम्प्लेक्सको माथिल्लो तलाको पछाडिपट्टि चिल्ड्रेनपार्क निर्माण गरिएको छ । चिल्ड्रेन, रेष्टुरेण्ट हल, विभिन्न स्टल सञ्चालन गर्न मिल्ने कोठाहरु नगरपालिकाले अझै भाडामा लगाउन सकेको छैन ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच