काठमाडौं । नयाँ वर्षको अवसरमा वैशाख १ गतेदेखि सिनेमाघरमा आएको चलचित्र ‘बिहे पास’लाई दर्शकले उत्कृष्ट प्रतिक्रिया दिएका छन् । श्रीमती तथा ससुरालाई फकाउनका लागि सरकारी जागिर खानै पर्ने बाध्यताकाबीच युवाले गर्ने संघर्ष र प्रत्यत्नको विषयलाई निकै मिठासका साथ प्रस्तुत गरिएको चलचित्रले युवाको पीडा बोलेको छ ।
चलचित्रमा अभिनेता दयाहाङ राई सरकारी जागिर खान प्रयत्न गर्ने पतिको भूमिकामा हुनुहुन्छ भने उहाँकी श्रीमतीको भूमिकामा अभिनेत्री प्रकृति श्रेष्ठ र ससुरा बन्नुभएका विशाल पहाडी सरकारी अधिकृत हुनुहुन्छ । प्रवेश पौडेलले निर्देशन गर्नुभएको चलचित्रमा दयाहाङ र प्रकृतिका साथमा सुभाष गजुरेल, श्याम राई, विशाल पहाडी, बुद्धि तामाङ, हिउँवाला गौतम, नवीन शेरचन, उमा बानियाँ, प्रकाश भुजेल, रुषा न्यौपानेलगायत कलाकारको अभिनय छ ।
आरआर फिल्म प्रोडक्शनले निर्माण गरेको चलचित्रको प्रस्तुतकर्ता रोहित कट्टेल हुनुहुन्छ भने रत्न श्रेष्ठ कार्यकारी निर्माता हुनुहुन्छ । शिव ढकालको छायांकन रहेको चलचित्रमा मित्र गुरुङको सम्पादन छ । रामजी लामिछानकोको कोरियोग्राफी रहेको चलचित्रको कार्यकारी निर्मातामा रत्न श्रेष्ठ, निर्मातामा रोजन श्रेष्ठ तथा सहनिर्मातामा ग्याल्जेन लामा र बालकृष्ण पाख्रिन हुनुहुन्छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच