बारा । बाराको निर्वाचन क्षेत्र नम्बर–२ मा भएको उपनिर्वाचनको मतगणना शुरु भएको छ ।
कलैया उपमहानगरपालिका–३ गंगापुर स्थित शैक्षिक तालिम केन्द्रमा दिउँसो पौने एक बजेदेखि मतगणना शुरु भएको हो । करैयामाई गाउँपालिका वडा नम्बर–१ र सुवर्ण गाउँपालिका–१ को मतपेटिका खोलेर मतगणना शुरु गरिएको मुख्य निर्वाचन अधिकृत मुकेश उपाध्यायले जानकारी गराउनु भयो ।
करैयामाई गाउँपालिका–१ मा १ हजार ९ सय २९ र सुवर्ण गाउँपालिका–१ मा २ हजार ३ सय ४३ मत खसेको उपाध्यायले जानकारी गराउनु भयो । निर्वाचन क्षेत्र नम्बर–२ मा भएको उपनिर्वाचनमा जसपाका केन्द्रिय अध्यक्ष उपेन्द्र यादव, नेकपा एमालेका पुरुषोत्तम पौडेल, जनमत पार्टीका शिवचन्द्र कुशवाहा, आम जनता पार्टीका अरुण ज्ञवाली र राष्ट्रिय स्वतन्त्र पार्टीका रमेश खरेल बीच प्रतिस्पर्धा हुँदैछ । एक लाख पाँच हजार दुई सय ४८ मतदाता रहेको यो क्षेत्रमा ६८ हजार आठ सय ८८ मत खसेको छ ।
पछिल्लो मत परिणाम अनुसार जसपाका उपेन्द्र यादवले २ सय २४, जनमत पार्टीका शिवचन्द्र कुशवाहाले १ सय ७० र एमालेका पुरुषोत्तम पौडेलले १ सय ६६ मत प्राप्त गर्नु भएको छ । राष्ट्रिय स्वतन्त्र पार्टीका रमेश खरेलले ८० र आम जनता पार्टीका अरुण ज्ञवालीले १२ मत प्राप्त गर्नु भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच