काठमाडौं । आयोजक भारत र कुवेतले साफ च्याम्पियनसिप फुटबलमा सहभागिता जनाउने भएका छन् । लेवनानलाई टाइब्रेकरमा चार-दुईले हराउँदै भारत उपाधि नजिक पुगेको हो । यसअघि बंगलादेशलाई एक-शून्यले हराउँदै कुवेत फाइनलमा पुगेको थियो । भारतले उपाधिका लागि मंगलबार कुवेतको सामना गर्नेछ ।
बैंग्लोरको कान्तिरभा रंगशालामा निर्धारित समय र थप समय गोलरहित बराबरीमा टुंगिएपछि खेल टाइब्रेकरमा धकेलिएको थियो । समूह चरणमा भारत र कुवेत एकै समूहमा थिए । समूह चरणको अन्तिम खेल एक-एकको बराबरीमा टुंगिएपछि कुवेत समूह विजेता र भारत उपविजेताका रूपमा सेमिफाइनल पुगेका थिए ।
समूह चरणमा भारत र कुवेत दुवैले नेपाल र पाकिस्तानलाई हराएका थिए । साफको १४औँ संस्करणमा आइपुग्दा भारत नवौँपटक उपाधि जित्ने प्रयासमा हुनेछ । दक्षिण एसियाबाहिरका कुवेत र लेबनानले पहिलोपटक साफ च्याम्पियनसिपमा भाग लिएका हुन् । भारतले सन् २००३ बाहेक सबै संस्करणको फाइनल खेल्दै आएको छ ।
सेमिफाइनलमा बंगलादेशलाई एक-शून्यले हराउँदै कुवेत फाइनलमा पुगेको हो । कुवेतका लागि अब्दुल्ला अल्ब्लोसीले निर्णायक गोल गर्नुभएको हो । समूह ‘ए’बाट कुवेत समूह विजेता र भारत उपविजेताका रूपमा अन्तिम चारमा पुगेका थिए ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच