पेरिस । फ्रान्सेली च्याम्पियन पेरिस सेन्ट जर्मेन (पिएसजी)ले स्टार फरवार्ड केलिएन एम्बाप्पेलाई एसिया भ्रमणको टोलीबाट बाहिर राखेको छ । प्रि-सिजनको मैत्रीपूर्ण खेलमा प्रतिस्पर्धा गर्नका लागि पिएसजी एसिया प्रस्थान गर्दा एम्बाप्पेलाई भने टोलीमा राखिएको छैन । क्लबसँग एम्बाप्पेको सम्झौता नवीकरणबारे सहमति नभएका कारण उहाँलाई टोलीबाट बाहिर राखिएको हो ।
एम्बाप्पेले स्पेनिस क्लब रियल म्याड्रिडमा जान चाहेका कारण पिएसजीसँगको सम्झौता नवीकरण नगर्ने बताइसक्नुभएको छ । एम्बाप्पेले अब क्लबले दिएको नयाँ सम्झौता नवीकरण गर्ने वा पुरानो सम्झौताअनुसार एक वर्ष हालकै सम्झौतामा थप गर्ने विकल्प छ ।
त्यसो नहुँदा पिएसजीले उहाँलाई अन्य क्लबमा बेच्ने अनुमान रहेको छ । उहाँलाई खरिद गर्न १ सय मिलियन युरोभन्दा माथिको माग पिएसजीले राख्ने आँकलन छ । उहाँले पिएसजीको सर्वाधिक गोलकर्ता बन्ने क्रममा २६० खेलमा २१२ गोल गर्नुभएको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच