काठमाडौं । राष्ट्रपति रामचन्द्र पौडेल र प्रमुख प्रतिपक्षी दल एमालेका अध्यक्ष केपी शर्मा ओलीबीच भेटवार्ता भएको छ ।
राष्ट्रपति कार्यालय शीतलनिवासमा उहाँहरुबीच संसद अवरोधलगायतका विषयमा बुधबार दिउँसो छलफल भएको थियो ।
यसअघि प्रधानमन्त्री, सभामुख र राष्ट्रियसभा अध्यक्षलाई पनि बोलाएर राष्ट्रपति पौडेलले सदनको अवरोध हटाउने विषयमा चासो राख्नुभएको थियो ।
राष्ट्रपतिको प्रेस सल्लाहकार किरण पोखरेलका अनुसार लामो समयसम्म संसद नचल्दा जनतामा नैराश्यता बढ्नुका साथै नकारात्मक प्रभाव पर्ने भन्दै राष्ट्रपतिले ओलीलाई ध्यानाकर्षण गराउनु भएको थियो ।
प्रमुख प्रतिपक्ष दल एमाले सुन तस्करी प्रकरणको उच्चस्तरीय छानबिन गर्नुपर्ने माग गर्दै आएको छ । १० साउनदेखि अवरोधका कारण संसद चल्न सकेको छैन। संसद अवरोधको दोष सत्तापक्ष र प्रतिपक्षले एकअर्कालाई लगाउँदै आएका छन् ।
प्रमुख राजनीतिक दलहरुबीच यस विषयमा भएको छलफल निष्कर्षमा पुग्न सकेको छैन ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच