✍️ पदम दाहाल
भगवान बनूँ निज भन्दछ क्वै
जनता प्रतिबिम्ब नृसिंह उतै ।
जब भोट लियो विजयी बनियो
तब शेर महोदय चढ्छ उँभो ।१।
जनतासित आँसु सताउँदथ्यो
घर–गाउँ जता पनि धाउँदथ्यो ।
नरमी अति नै अधमी अहिले
नव भ्रष्ट ठसक्क गनाउँछ त्यो ।२।
मतियार बनेर सुसाउँछ कि ?
अगुवा अझ लुट्न सिकाउँछ कि ?
सुन तस्कर मानव तस्कर ऊ
छ कि देश बिकाउन तत्पर ऊ ? ।३।
झुट झेल र खेल कबाफ भरे
पदलोलुप प्राप्ति भयानक रे !
उसभित्र पसेछ कि रौरव त्यो ?
बनियार बनेछ धुतार भुटो ।४।
नवनायक ती मतियार मिलून्
नव निर्मित ती हतियार खुलून्
मुखले नदिऊन् कि कुशासन त्यो
सुख सौखिन जोड कुबेर छिटो ।५।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच