काठमाडौं । सर्वोच्च अदालतले हरेक नेपालीको घरमा नेपालको संविधानको प्रति वितरण गर्न सरकारको नाममा आदेश जारी गरेको छ । न्यायाधीश सुष्मालता माथेमा र हरि फूयालको इजलासले यस्तो परमादेश जारी गरेको हो ।
अधिवक्ता विकास भट्टराईले नेपाली जनताले आफ्ना प्रतिनिधिमार्फत बनाएको संविधान हरेक नेपालीको घरमा पुग्नुपर्ने भन्दै संविधानको प्रति वितरण गर्न माग गरी २०७२ सालमा रिट निवेदन दर्ता गर्नुभएको थियो । उक्त रिटमाथि सुनुवाइ गर्दै माग बमोजिम आदेश जारी गरेको हो ।
अधिवक्ता भट्टराईले यसअघिका संविधानहरू राजाको नामबाट जारी भएकाले यो संविधान नेपाली जनताले नै बनाएर जारी गरेको भन्दै अपनत्वका लागि पनि हरेक नेपालीको घरमा संविधान पुर्याउनुपर्छ भनेर रिट निवेदन दिनुभएको बताउनुभयो ।
अधिवक्ता भट्टराईले घरघरमा संविधान जारी गर्नुपर्छ भनेर माग राखी कानुन किताब व्यवस्था समितिलाई समेत मुद्दा हाल्नुभएको थियो । समितिले अहिले नेपालको संविधान १३० रुपैयाँमा वितरण गरिरहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच