काठमाडौं । अक्टोबर १२ देखि २४ सम्म मलेसियामा हुने प्रतियोगिता खेल्न जाने यु १९ नेपाली राष्ट्रिय क्रिकेट टोलीलाई राट्रिय खेलकुद परिषद् ( राखेप) ले बिदाइ गरेको छ ।
सोमवार काठमाडौंमा एक कार्यक्रमबीच खेलाडीहरुको बिदाइ गरिएको हो । क्यान उपाध्यक्ष रोशन सिंह, कोषाध्यक्ष पदम खड्का, सचिव पारस खड्का र सदस्य दिवाकर घले, सुदिप शर्मा लगायतले बिदाइ गरेका थिए ।
बिदाइ कार्यक्रममा बोल्दै यु १९ टिमका कप्तान देव खनालले अभ्यास राम्रो रहेको र आफूहरुको उद्देश्य ट्रफी ल्याउने रहेको बताउनु भयो । उहाँले फास्ट बलिङ र ब्याटिङ राम्रो रहेको बताउनु भयो ।
उहाँले भन्नुभयो, ‘अभ्यास राम्रो छ । कोही पनि नराम्रो टिम छैन । सबै राम्रो छन् तर हामीले रिजल्ट राम्रो ल्याउँछौँ भन्ने आश छ । विश्वकपमा ७ वर्षपछि पुग्यौँ । एशिया कप पनि जितौँ भन्ने छ र ट्रफी ल्याउनेछौँ । फास्ट बलर राम्रो छ र ब्याटिङ राम्रो छ । अवसर छ र यो राम्रो छ ।’
कार्यक्रममा बोल्दै नेपाली यु १९ राष्ट्रिय टिमका प्रशिक्षक जगत टमाटाले सबै किसिमले तयार रहेको र एशिया कपको क्वालिपफायर हुने र ट्रफी ल्याउने लक्ष्य रहेको बताउनु भयो । उहाँले ट्रफीका लागि खेलाडीहरु भोका रहेको बताउनु भयो ।
उहाँले भन्नुभयो, ‘हामी सबै किसिमले तयार छौँ । एशिया कपको क्वालिपफायरको लागि ४ वटा टिम छन् र सबै महत्वपूर्ण छ । त्यसको लागि हामीले अभ्यास राम्रो गरेका छौँ । जित्नका लागि भोका छन् । हाम्रो उद्देश्य जित्ने नै हो । फिल्डमा राम्रो गर्नुपर्छ ।’
त्यस्तै क्यानका सचिव पारस खड्काले यु १९ क्रिकेट नेपाल क्रिकेटको सबैभन्दा ठूलो पर्फमेन्स गरेर राष्ट्रिय टिममा पर्ने प्लेटफर्म भएको बताउनु भयो ।
उहाँले भन्नुभयो, ‘यु १९ क्रिकेट नेपाल क्रिकेटको सबैभन्दा ठूलो पर्फमेन्स गरेर राष्ट्रिय टिममा पर्ने प्लेटफर्म भएको छ । इतिहास पनि यही छ । यो यहाँहरुको सामु छ । यो परीक्षा हुने छ । यसलाई अवसरको रुपमा लिनुहोला ।’
समूह ‘ए’ मा नेपाल, बहराइन, साउदी अरेबिया र इरान, समूह ‘बी’ मा युएई, ओमान, कतार र चीन छन् । यसैगरी समूह ‘सी’ मा सिंगापुर, कुवेत, थाइल्याण्ड र माल्दिभ्स, समूह ‘डी’ मा हङकङ, मलेसिया, जापान र इण्डोनेसिया छन् । १६ एसोसिएट टोली सहभागी प्रतियोगिताका शीर्ष ३ टोली एसिसी यु–१९ एशिया कपका लागि छनोट हुनेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच