गुल्मी । गुल्मीमा पनि विश्व दृष्टि दिवस मनाइएको छ । नेपाल नेत्रज्योति संघ जिल्ला आँखा उपचार केन्द्र तम्घास गुल्मीको आयोजनामा ‘कार्यस्थलमा आँखालाई माया गरौँ’ भन्ने नारासहित एक औपचारिक कार्यक्रमका बीच जिल्ला कारागारमा सो दिवस मनाइएको हो ।
त्यसअवसरमा प्रमुख जिल्ला अधिकारी टेकबहादुर केसीले आँखा मानिसको सबैभन्दा महत्वपूर्ण अंग भएको भन्दै आँखा उपचार केन्द्रले महत्वपूर्ण सेवा प्रवाह गरिरहेको बताउनुभयो । बन्दीहरुको आँखा परीक्षणका लागि आफुले गरेको आग्रहलाई संस्थाले कारागारमा पुगेर आँखा जाँच गरेकोप्रति उहाँले धन्यवाद व्यक्त गर्नुभयो ।
संस्थाका सभापति अखिलेश्वर प्रसाद पाण्डेले दिवसको अवसरमा हाम्रो कर्तव्य, हाम्रो जिम्मेवारी, आँखा सेवामा साझदारी भन्ने भावनाका साथ जिल्ला कारागारमा रहेका बन्दीहरुको आँखा परीक्षण गरि यो दिवस मनाइएको बताउनुभयो । कोही पनि व्यक्ति आर्थिक अभावमा आँखाको उपचारबाट बञ्चित हुनु नपर्ने बताउँदै आँखाको उपचार जिल्ला तहमै हुने उल्लेख गर्नुभयो । आगामी दिनमा ग्रामीण क्षेत्रसम्म पुगेर आँखा उपचारका कार्यक्रम गर्ने उहाँको भनाइ छ ।
निवर्तमान सभापति शेरबहादुर थापाले कार्यक्रममा सहभागीहरुलाई आँखा स्वास्थ्य उपचारको क्षेत्रमा सरकारले गर्नुपर्ने ९० प्रतिशत काम नेत्र ज्योति संघले गरेको बताउनुभयो । अन्य रोगका लागि बाहिर जाने गरिए पनि अहिले बंगलादेश, थाइल्यान्ड, लगायतका देशबाट समेत आँखाको उपचारका लागि नेपालमा आउने गरेका थापाले बताउनुभयो ।
नेत्र अधिकृत सूर्यबहादुर बस्नेतले बन्दीहरुको आँखा परीक्षण गर्नुभएको थियो । अहिले जिल्ला आँखा उपचार तथा सर्जिकल सेन्टर तम्घासको मातहतमा जिल्लाका विभिन्न स्थानमा तिन वटा आँखा उपचार केन्द्र रहेका छन् । मुसिकोट नगरपालिकाको वामिटक्सार, चन्द्रकोट गाउँपालिकाको शान्तिपुर, मालिकागाउँपालिको सिमलटारी र मदाने गाउँपालिकाको पुर्कोटदहमा आँखा उपचार केन्द्र सञ्चालनमा रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच