काठमाडौं । भूकम्प प्रभावितका लागि विभिन्न संघसंस्थाले राहत सामग्रीका साथै आर्थिक सहयोगको घोषणा गरेका छन् । गैरआवासीय नेपाली संघ(एनआरएनए)ले जाजरकोट र रुकुम पश्चिमलगायतका क्षेत्रमा राहत तथा उद्धारका लागि एक करोड १० लाख रुपैयाँको राहत कोष स्थापना गरेको छ । अन्तर्राष्ट्रिय समन्वय परिषद्को शनिबार बसेको आकस्मिक बैठकले १० लाख रुपैयाँ तत्काल सरकारको राहत कोषमा उपलब्ध गराउने र बाँकी एक करोडको राहतका सामग्री लिएर प्रभावित स्थानमा जाने निर्णय गरेको हो । अध्यक्ष डा. बद्री केसीको संयोजकत्वमा राहत वितरण समिति गठन गरी पहिलो चरणमा जाजरकोट र रुकुम पश्चिमका चार सय परिवारका लागि प्रतिपरिवार १० हजारका दरले खाद्यान्न तथा लत्ताकपडा वितरण गरिने एनआरएनएले जनाएको छ ।
राहत वितरण समितिमा अध्यक्ष डा. केसीसहित महिला उपाध्यक्ष रोजिना प्रधान राई, महासचिव गौरीराज जोशी, उपमहासचिव प्रवीण गुरुङ, सचिव मनोजकुमार श्रेष्ठ (गोर्खाली), सहकोषाध्यक्ष अभिमन्यु बस्नेत र कृष्णप्रसाद तिमल्सिना, एनसिसी बेल्जियम महासचिव रुविना शर्मा, पूर्वआइसिसी सदस्य धर्मराज गिरी, लोकराज शर्मा (डेनमार्क), विक्रम केसी(रसिया), सीता खतिवडालगायत रहेका छन् ।
त्यस्तै कोषाध्यक्ष सुदन थापाको संयोजकत्वमा सहकोषाध्यक्ष कृष्णप्रसाद तिमल्सिना, अभिमन्यु बस्नेत, तिलकप्रसाद गैरे र अमृता थापा (कञ्चन) रहने गरी राहत कोष संकलन समिति गठन गरिएको छ ।
संघका राष्ट्रिय समन्वय परिषद्लाई समेत राहत कार्यमा परिचालन गर्न उपाध्यक्ष तथा क्षेत्रीय संयोजकहरूलाई जिम्मेवारी तोकिएको छ । एसिया क्षेत्रको संयोजनका लागि रोविन शेरचन र हरि भट्टराई, अमेरिका क्षेत्रमा महासचिव गौरीराज जोशी, डा. केशव पौडेल र वेदराज बस्नेत, अफ्रिकामा रामशरण सिंखडा र पुष्पराज भट्टराई, युरोपमा डा. हेमराज शर्मा र डा. चिरञ्जीवी खड्का, ओसियानामा डा. विनोद श्रेष्ठ र दिनेश पोखरेल, मध्यपूर्वमा राज रेग्मी र राजेन्द्रकुमार अर्याल, युवा तथा महिला परिचालनका लागि रोशन थापा, सुपेन्द्र घिसिङ, रोजिना प्रधान राई, टीका गुरुङ र अनुजा प्रधानलाई जिम्मेवारी तोकिएको हो ।
एनआरएनएको स्वास्थ्य समिति परिचालन गरी नेपाल मेडिकल एसोसिएसनसँग सहकार्य गर्दै प्रभावित क्षेत्रमा स्वास्थ्यकर्मीको टोली खटाउने निर्णय भएको छ । चीन, हङकङलगायतका राष्ट्रिय समन्वय परिषद्बाट राहतका सामग्री तथा आर्थिक सहयोगका लागि सक्रियतापूर्वक काम सुरु भइसकेको एनआरएनएद्वारा जारी प्रेस विज्ञप्तिमा उल्लेख छ । साथै २४ घण्टे हटलाइन सेवासमेत सुरु गरेको छ । राहत तथा उद्धारका लागि इच्छुक एनसिसी तथा अन्य व्यक्तित्वले हटलाइन नम्बर ९७७÷९८०१८६११०१ मा सम्पर्क गर्न सक्ने बताइएको छ ।
त्यसैगरी एनआरएनएको आरके शर्मा समूहले पनि तत्कालका लागि २१ लाख रुपैयाँ सहयोग घोषणा गरेको छ । एनआरएनएका आरके शर्मा र बुद्धिसागर सुवेदीले शनिबार विज्ञप्ति जारी गर्दै भूकम्पपछि भएको जनधनको क्षतिप्रति गहिरो दुःख व्यक्त गर्दै सरकारले सुरु गरेको राहत कोषमा एनआरएनए अभियन्ताबाट संकलन गरेर २१ लाख रुपैयाँ जम्मा गर्ने घोषणा गर्नुभएको हो । शर्माले भन्नुभएको छ, ‘एनआरएनएको आपत्कालीन कोष भए पनि हामीले उक्त कोषबाट एक पैसा पनि नचलाई सबै अभियन्ताबाट संकलन गरेर यो रकम जम्मा गर्ने छौँ ।’
नेपाल उद्योग वाणिज्य महासंघले पनि सबै सदस्य उद्योग वाणिज्य संघ, उद्यमी व्यवसायी र व्यावसायिक संघसंस्थालाई उद्धार र राहतमा सहयोगका लागि आहृवान गरेको छ । प्रभावितलाई आर्थिकलगायत लत्ताकपडा, खाद्यान्न, औषधि, पानी जस्ता अत्यावश्यक सामग्री सहयोग गर्न सम्बद्ध उद्योगी व्यवसायीलाई अपिल गरेको हो ।
बुद्ध एयरले एक करोड दिने
बुद्ध एयरले भूकम्प प्रभावित जाजरकोट र रुकुम पश्चिम जिल्लाका पीडितका लागि राहतस्वरूप एक करोड सहयोग गर्ने भएको छ । बुद्ध एयरले प्रधानमन्त्री दैवी प्रकोप राहत कोषमार्फत् भूकम्पपीडितलाई राहत र पुनर्निर्माणका लागि उक्त सहयोग घोषणा गरेको हो । जाजरकोट तथा पश्चिम रुकुममा आएको प्राकृतिक विपद्मा परी थुप्रै नागरिकको ज्यान गएको छ । भूकम्पले थुप्रै परिवार घरबारविहीन भएका छन् । यस दुखद् परिस्थितिमा सबै नेपालीले हातेमालो तथा सहयोगका लागि तत्पर हुनुपर्ने भन्दै बुद्ध एयरले सामाजिक सञ्जालमार्फत् उक्त सहयोग घोषणा गरेको हो ।
त्यसैगरी सिटिजन्स बैंकले भूकम्पपीडितको उद्धार तथा उपचारको उद्देश्यले प्रधानमन्त्री उद्धार तथा राहत कोषमा २५ लाख रुपैयाँ सहयोेग गर्ने घोषणा गरेको हो । साथै बैंकले ज्यान गुमाएका परिवारप्रति समवेदना र घाइतेको शीघ्र स्वास्थ्य लाभको कामनासमेत गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच