काठमाडौं । नेसनल लाइफ इन्स्योरेन्स कम्पनीले प्राडा भगवान् कोइरालाको अस्पताललाई ७५ लाख रुपैयाँ बराबरको सहयोग प्रदान गर्ने भएको छ । कम्पनीले काठमाडौंको बुढानीलकण्ठ नगरपालिका ७ मा निर्माणाधीन दुई सय बेडको बाल अस्पताल काठमाडौं इन्ष्टिच्युट अफ चाइल्ड हेल्थलाई उक्त सहयोग गर्ने भएको हो ।
कम्पनीले अस्पताल निर्माण परियोजनाका लागि तीन वर्षसम्म प्रतिवर्ष २५ लाख रुपैयाँका दरले वित्तीय सहयोग उपलब्ध गराउने गरी सम्झौता गरेको छ । सम्झौतापत्रमा कम्पनीका कार्यकारी प्रमुख सुरेशप्रसाद खत्री र इन्ष्टिच्युटका संस्थापक अध्यक्ष प्राडा भगवान् कोइरालाले हस्ताक्षर गर्नुभएको हो ।
सोही अवसरमा कार्यकारी प्रमुख खत्रीले पहिलो किस्ता रकम २५ लाख रुपैयाँको चेक हस्तान्तरण गर्नुभएको थियो । प्राडा कोइरालाले नेपालका सबै बालबालिकाको स्वास्थ्यमा सहज र सर्वसुलभ पहुँच पु¥याउने उद्देश्यले परियोजना सञ्चालन गर्न लागिएको र क्रमिकरूपमा देशका अन्य स्थानमा समेत बाल स्वास्थ्य सेवा उपलब्ध गराउने योजना रहेको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच