काठमाडौं । लघुचलचित्र ‘द स्कुल वाल’ नाइजेरिया र जिम्वावेमा छनोट भएको छ । बालमनोविज्ञानमा आधारित यो लघुचलचित्र नाइजेरियाको इण्डो स्टेट इन्टरनेशनल फिल्म फेष्टिभल र जिम्वावेको भर्सिटी फिल्म एक्सपोमा छनोट भएको हो । यसअघि बेलायतको लाइफ अफ फिल्ममेकर सिजनमा समेत यो छनोट भएको थियो ।
लघुचलचित्रमा श्लोक साहले मुख्य भूमिका निर्वाह गर्नुभएको छ । यस्तै यसमा सुवासप्रसाद गजुरेल, सरोज लामिछाने, चन्द्रप्रसाद पाण्डे, गीताश्री थापा, आयुषा गौतम, विदुरप्रसाद सिग्देल, निष्ठा दाहाल, रेहान केसी, खेमराज कोइराला, उद्धव दंगाललगायत कालाकार र सेलीब्रेशन स्कुलका विद्यार्थीहरूको अभिनय छ । ‘द स्कुल वाल’को पोष्टरमा स्कुलको पोशाक लगाएका एक बालकले सडकपेटीमा जुत्ता पालिस गरिरहेको देखाइएको छ ।
लघुचलचित्रलाई सुरेन्द्र क्षेत्रीले कास्टिङ डिरेक्सनसँगै निर्माणसमेत गर्नुभएको हो । काठमाडौंमा छायांकन गरिएको लघुचलचित्रको दृश्य नारायण जिसीले खिच्नुभएको हो । लघुचलचित्रको सम्पादन तथा रंग संयोजन अनिलकुमार महर्जनले गर्नुभएको छ । ऐना आर्ट्सको प्रस्तुतिमा निर्माण भएको ‘द स्कुल वाल’को लेखन तथा निर्देशन मोहन अभिलाषीले गर्नुभएको हो भने सहायक निर्देशन करन साउदको छ । यसको अफिसियल पार्टनरको रूपमा साईलेन्ट एक्ट र मालिका मिडिया रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच